குழித்துறையில் அனைத்துத்துறை ஓய்வூதியா் சங்கக் கூட்டம்

தமிழ்நாடு அரசு அனைத்துத் துறை ஓய்வூதியா் சங்கத்தின் 11ஆவது அமைப்பு தினம் மற்றும் சிறப்புப் பேரவை கூட்டம் குழித்துறை மலையாள சமாஜம் கூட்ட அரங்கில் நடைபெற்றது.

இக் கூட்டத்துக்கு, அமைப்பின் விளவங்கோடு வட்டத் தலைவா் நாராயணபிள்ளை சங்க கொடியேற்றி தொடங்கி வைத்தாா். வட்ட இணைச் செயலா் செல்வமணி அஞ்சலி தீா்மானம் வாசித்தாா். வட்ட துணைத் தலைவா் சுலோச்சனா வரவேற்றாா்.

வட்டச் செயலா் ஜெயசிங் வேலை அறிக்கையும், வட்ட பொருளாளா் வரவு -செலவு அறிக்கையும் வழங்கினா்.

பேரவை தீா்மானங்களை நிா்வாகிகள் ஜெகதம்மா, சுலோச்சனாபாய், சசிகலா விஜயகுமாரி ஜி.கங்காதரன் நாயா் ஆகியோா் முன்மொழிந்னா்.

கூட்டத்தில் 5 வட்ட செயற்குழு உறுப்பினா்கள் தோ்வு செய்யப்பட்டனா்.

80 வயதை அடைந்த மூத்த உறுப்பினா் 14 போ் கௌரவிக்கப்பட்டனா்.

அமைப்பின் மாவட்ட துணைத் தலைவா் ஐசக் சாம்ராஜ், தமிழ்நாடு அரசு ஊழியா் சங்க மாவட்ட துணைத் தலைவா் சௌந்தரராஜன் ஆகியோா் வாழ்த்திப் பேசினா். சங்கத்தின் மாநிலத் துணைத் தலைவா் சுகுமாரன் கூட்டத்தை நிறைவு செய்து பேசினாா். ஜெலஸ்டின் நன்றி கூறினாா்.

இதில், ஜாா்க்கண்ட், ஒடிசா, தெலங்கானா, பஞ்சாப், ராஜஸ்தான் மாநிலங்களைப் போன்று தமிழக அரசும் பழைய ஓய்வூதியத் திட்டத்தை அமல்படுத்த வேண்டும். 70 வயது கடந்த ஓய்வூதியதாரா்களுக்கு பத்து சதவீதம் ஓய்வூதியம் அதிகரித்து வழங்க வேண்டும். அங்கன்வாடி, சத்துணவு ஊழியா்கள், வனத்துறை காவலா் மற்றும் ஊராட்சி எழுத்தா்கள் ஆகியோருக்கு ஓய்வூதியம் குறைந்தபட்சம் ரூ. 7,850 வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.