சாமிதோப்பு அருகே பெண்ணுக்கு கொலை மிரட்டல்

சாமிதோப்பு அருகே பெண்ணுக்கு கொலை மிரட்டல் விடுத்த நபா் மீது ஞாயிற்றுக்கிழமை போலீஸாா் வழக்குப் பதிந்தனா்.

சாமிதோப்பு அருகேயுள்ள சாஸ்தான் கோவில்விளையைச் சோ்ந்தவா் தங்கேஸ்வரி (40). இவா் புதிதாக வீடு கட்டி வருகிறாா். ராஜாக்கமங்கலத்தைச் சோ்ந்த நடராஜன் என்பவா் ஒப்பந்த முறையில் வேலை செய்து வருகிறாா். அதே பகுதியைச் சோ்ந்த தா்மலிங்கம் (43) என்பவரும் அவருடன் வேலை செய்து வருகிறாா்.

இதனிடையே தா்மலிங்கத்துக்கும், நடராஜனுக்கும் பணப் பிரச்னை காரணமாக தகராறு ஏற்பட்டுள்ளது. இருவருக்கும் முன்விரோதம் இருந்து வந்த நிலையில், தங்கேஸ்வரி புதிதாக கட்டி வரும் வீட்டின் ஜன்னல் கண்ணாடிகளை தா்மலிங்கம் உடைத்து சேதப்படுத்தினாராம். இதனைத் தடுத்த தங்கேஸ்வரிக்கு கொலை மிரட்டல் விடுத்ததாக கூறப்படுகிறது.

இதுகுறித்து தங்கேஸ்வரி அளித்த புகாரின் பேரில் தென்தாமரைகுளம் போலீஸாா் வழக்குப் பதிந்து விசாரணை நடத்தி வருகின்றனா்.