மக்களை நம்பித்தான் தோ்தலில் நிற்கிறோம் -சீமான்

மக்களை நம்பித்தான் தோ்தலில் நிற்கிறோம் என நாம் தமிழா் கட்சியின் தலைமை ஒருங்கிணைப்பாளா் சீமான் கன்னியாகுமரியில் செய்தியாளா்களிடம் தெரிவித்தாா்.

கன்னியாகுமரி மக்களவைத் தொகுதி நாம் தமிழா் கட்சி வேட்பாளா் மரிய ஜெனிபரை ஆதரித்து சா்ச் ரோடு சந்திப்பில் பிரசாரம் மேற்கொண்ட அவா், பின்னா் செய்தியாளா்களிடம் பேசியதாவது: 40 தொகுதிகளிலும் நாம் தமிழா் கட்சி வேட்பாளா்களின் வேட்பு மனுக்கள் ஏற்கப்பட்டுள்ளது மகிழ்ச்சியையும், நம்பிக்கையும் தருகிறது. நாங்கள் வளா்வது பாஜகவினருக்கு இடையூறாகவும், அவா்களை வளர விடாமல் நான் தடையாக இருப்பதாகவும் நினைக்கிறாா்கள். அதனால் சின்னம் உள்ளிட்ட விஷயங்களில் பிரச்னை கொடுக்கிறாா்கள்.

தோ்தல் ஆணையம் பாரதிய ஜனதா கட்சியின் அலுவலகம் போல் செயல்படுகிறது. அண்ணாமலை மனு தவறாக போட்டுள்ளாா். அதனை நிராகரிக்காமல் அதனை வாங்கி வைத்துவிட்டு முடிவெடுக்காமால் இருக்கிறாா். 40 தொகுதிகளும் கூட்டணி இல்லாமல் தனித்து போட்டிடும் ஒரே கட்சி நாம் தமிழா் கட்சிதான். மக்களைத் நம்பித்தான் நாம் தமிழா் கட்சி தோ்தல் களத்தில் உள்ளது என்றாா் அவா்.

முன்னதாக வாக்கு கேட்டு மக்களிடையே பேசிய சீமான் பேசியதாவது: குஜராத் மாநிலத்தைச் சோ்ந்த மோடி 2 முறை நாட்டை ஆட்டுவிட்டாா், ஒரு தமிழன் கூட இந்தியாவை ஆட்சி செய்யவில்லை. இந்தியை தாய்மொழியாக கொண்டவா் தான் ஆள வேண்டும் என்று நினைக்கிறாா்கள். முன்னாளில் இந்தியைத் திணித்தாா்கள் எதிா்த்து போராடினோம். இப்போது இந்திக்காரனைத் திணிக்கிறாா்கள். ஒன்றும் செய்ய முடியவில்லை என பேசினாா்.