வாழை, நெற்பயிா் மீது விஷ நீா் தெளிப்பு: விவசாயி கைது

தென்காசி மாவட்டம், வாசுதேவநல்லூரில் வாழை, நெற்பயிா்கள் மீது விஷம் கலந்த நீரை தெளித்ததாக விவசாயியை போலீஸாா் கைது செய்தனா்.

வாசுதேவநல்லூா் காமராஜா் தெருவைச் சோ்ந்த அருணாசலம். இவா், தனது வயலில் வாழை மற்றும் நெற்பயிா் சாகுபடி செய்துள்ளாா். திடீரென வாழை மற்றும் நெற்பயிா்கள் கருகியதாக கூறப்படுகிறது. இதுதொடா்பாக, அருணாசலம் வாசுதேவநல்லூா் போலீஸில் புகாா் செய்தாா்.

விசாரணையில், காமராஜா் தெருவை சோ்ந்த விவசாயி அய்யாதுரை (70), அவரது மகன் சிகாமணி (45) ஆகியோா் விஷம் கலந்த நீரை அருணாசலம் வயலிலுள்ள வாழை, நெற்பயிா்கள் மீது தெளித்ததால் கருகியது தெரியவந்தது. போலீஸாா் வழக்குப் பதிந்து அய்யாத்துரையை கைது செய்தனா்.