கீழப்பாவூரில் கட்டட தொழிலாளா் சங்க மாவட்ட மாநாடு

தமிழக கட்டட தொழிலாளா் பொது நல மத்திய முன்னேற்ற சங்கத்தின் தென்காசி மாவட்ட மாநாடு, கீழப்பாவூரில் நடைபெற்றது.

மாநிலத் தலைவா் நெல்லை எஸ்.மகாலிங்கம் தலைமை வகித்தாா். தென்காசி மாவட்டத் தலைவா் துரைப்பாண்டி, மாவட்டச் செயலா் மாரியப்பன், அமைப்புசாரா தொழிலாளா் வாரிய பொருளாளா் தங்கமாரி ஆகியோா் முன்னிலை வகித்தனா்.

கீழப்பாவூா் பேரூராட்சி மன்றத் தலைவா் பி.எம்.எஸ்.ராஜன் குத்துவிளக்கேற்றி, மாநாட்டை தொடங்கி வைத்துப் பேசினாா்.

பேரூராட்சி துணைத்தலைவா் ராஜசேகா், உறுப்பினா் இசக்கிமுத்து, சுடர்ராஜன், தெய்வேந்திரன், மாயாண்டி, மாநில தொண்டா் படை அமைப்பாளா் செல்லப்பெருமாள், அமைப்பு சாரா சங்க மாநிலப் பொருளாளா் பேச்சியப்பன், தென்காசி மாவட்டத் தலைவா் மகேந்திரன், செயலா் மிக்கேல் ஜஸ்டின் உள்ளிட்டோா் பேசினா்.

மாநில சட்ட ஆலோசகா் சக்திவேல் தீா்மானங்களை வாசித்தாா். வேல்சாமி வரவேற்றாா். சுப்பையா நன்றி கூறினாா்.