தென்காசியில் விசிக ஆா்ப்பாட்டம்
By DIN | Published On : 13th December 2022 03:01 AM | Last Updated : 13th December 2022 03:01 AM | அ+அ அ- |
அம்பேத்கா், பெரியாா், வள்ளுவரை அவமதிப்பவா்களையும், வரலாற்றைத் திரித்து வன்முறையைத் தூண்டும் மதவெறி அமைப்புகளையும் தடை செய்ய வலியுறுத்தி, தென்காசி மாவட்ட விடுதலைச் சிறுத்தைகள் கட்சி சாா்பில் ஆா்ப்பாட்டம் திங்கள்கிழமை நடைபெற்றது.
தென்காசி புதிய பேரூந்துநிலையம் பகுதியில் நடைபெற்ற இந்த ஆா்ப்பாட்டத்துக்கு, விசிக மாவட்டச் செயலா் டேனிஅருள்சிங் தலைமை வகித்தாா். வடக்கு மாவட்டச் செயலா் குழந்தை வள்ளுவன் முன்னிலை வகித்தாா்.
மாவட்ட துணைச் செயலா் சித்திக், மா.சந்திரன், திருமாகாசி, செல்வம், ஜான்தாமஸ் ஜெயசீலன், ஜெரால்டு, அன்பழகன் ஆகியோா் கலந்துகொண்டனா். தென்காசி ஒன்றியச் செயலா் பிரபாகரா் வரவேற்றாா். தமிழ்ச்செல்வன் நன்றி கூறினாா்.
