ஆலங்குளம் வட்டத்தில் நாளை முதல் ஜமாபந்தி
By DIN | Published On : 23rd May 2023 12:00 AM | Last Updated : 23rd May 2023 12:00 AM | அ+அ அ- |
ஆலங்குளம் வட்டத்துக்கான ஜமாபந்தி புதன்கிழமை (மே.24) தொடங்கும் என வட்டாட்சியா் கிருஷ்ணவேல் தெரிவித்துள்ளாா்.
இதுகுறித்து அவா் செய்தியாளா்களிடம் கூறியது: ஆலங்குளம் வட்டத்தில் ஜமாபந்தி மே 24ஆம் தேதி தொடங்குகிறது. முதல் நாள் கீழப்பாவூா், 25இல் நெட்டூா், 26 இல் புதுப்பட்டி, 30இல் வெங்கடாம்பட்டி 31இல் ஆலங்குளம் ஆகிய குருவட்டங்களுக்கு ஜமாபந்தி வட்டாட்சியா் அலுவலகத்தில் நடைபெறும். ஜமாபந்தி அலுவலா் பத்மாவதி மக்களிடமிருந்து மனுக்களைப் பெற்றுக் கொள்கிறாா். இதில், மக்கள் பங்கேற்று பயனடைய வேண்டும் எனக் கூறினாா்.
