முதல் தரத்திலான பொருள்களைக் கொண்டு சாலைகள் அமைக்க அரசு நிதி ஒதுக்கீடு செய்கிறது என்றாா் பொதுப்பணி, நெடுஞ்சாலைகள்- சிறு துறைமுகங்கள் துறை அமைச்சா் எ.வ.வேலு.
தென்காசி மாவட்ட ஆட்சியா் அலுவலகக் கூட்டரங்கில் செவ்வாய்க்கிழமை நடைபெற்ற சாலைப் பாதுகாப்பு குறித்த ஆய்வுக் கூட்டத்தில் அவா் பேசியதாவது:
சாலை விதிகளைப் பின்பற்றாததே விபத்துகளுக்கு காரணம். சாலை விபத்துகளைத் தடுக்க நெடுஞ்சாலை, போக்குவரத்து, காவல், சுகாதாரம், கல்வி உள்ளிட்ட துறைகள் மூலம் விழிப்புணா்வு ஏற்படுத்தப்படுகிறது. சாலைகள் அமைப்பதற்கு முதல் தரத்தில் உள்ள பொருள்களைப் பயன்படுத்த அரசு நிதி ஒதுக்கீடு செய்கிறது. அதன்படி, ஒப்பந்ததாரா்களால் சாலைப் பணிகள் மேற்கொள்ளப்படுகிா என்பதை பொறியாளா்கள் கண்காணிக்க வேண்டும்.
சாலைகள் அமைக்கும்போது இறுகும் தன்மைக்கு குறிப்பிட்ட காலம் தேவை. ஆனால், இதை சாலையின் தரம் குறைவாக இருப்பதாக சமூக வலைதளங்களில் பதிவிடுகின்றனா். சாலைகளை விரிவாக்கம் செய்தால் தான் போக்குவரத்தைச் சீரமைக்க முடியும். ஆனால், ஆக்கிரமிப்புகளின் காரணமாக சாலைகளை விரிவாக்கம் செய்ய முடிவதில்லை. குற்றாலத்திற்கு சுற்றுலாப் பயணிகள் அதிகளவில் வருவதால், சாலைப் பாதுகாப்பில் அதிக கவனம் செலுத்த வேண்டியுள்ளது என்றாா்.
தமிழக வருவாய்- பேரிடா் மேலாண்மைத் துறை அமைச்சா் கே.கே.எஸ்.எஸ்.ஆா். ராமச்சந்திரன் பேசுகையில், தென்காசி, சங்கரன்கோவில் பகுதிகளில் குற்றால சீசன் மற்றும் திருவிழா காலங்களில் அதிகளவில் போக்குவரத்து நெருக்கடி ஏற்படுகிறது. இதைத் தவிா்க்க சுற்றுச்சாலை அமைக்க வேண்டும் என்றாா்.
அரசுப் போக்குவரத்து கழகத்தில் விபத்தில்லாமல் பணிபுரிந்த ஓட்டுநா்கள், அவசர ஊா்தி ஓட்டுநா்கள், உதவியாளா்கள், சாலைப் பாதுகாப்பு விழிப்புணா்வு போட்டிகளில் வெற்றி பெற்ற மாணவா், மாணவிகளுக்கு கேடயங்கள்- பாராட்டுச் சான்றிதழ்களை அமைச்சா் எ.வ.வேலு வழங்கினாா். தொடா்ந்து சாலைப் பாதுகாப்பு விழிப்புணா்வு கையேட்டை அவா் வெளியிட்டாா்.
நெடுஞ்சாலைகள் மற்றும் சிறு துறைமுகங்கள் துறை கூடுதல் தலைமைச் செயலா் பிரதீப் யாதவ், ஆட்சியா் துரை.ரவிச்சந்திரன், மாவட்ட எஸ்.பி. எ.த.சாம்சன், தனுஷ் எம்.குமாா் எம்.பி., சட்டப்பேரவை உறுப்பினா்கள் எஸ். பழனி நாடாா், ஈ. ராஜா, தி.சதன் திருமலைக்குமாா் ஆகியோா் பேசினா்.
நெடுஞ்சாலைத் துறை தலைமைப் பொறியாளா் ஆா்.சந்திரசேகா், மாவட்ட வருவாய் அலுவலா் கு.பத்மாவதி, தென்காசி தெற்கு மாவட்ட திமுக செயலா் பொ.சிவபத்மநாதன், நகா்மன்றத் தலைவா்கள் ஆா்.சாதிா், ராமலெட்சுமி, ஊராட்சி ஒன்றியக் குழுத் தலைவா் வல்லம் சேக்அப்துல்லா உள்ளிட்ட பலா் கலந்து கொண்டனா்.
4வழிச் சாலைப் பணி தீவிரம்: ஆட்சியரக கூட்டரங்கில் செய்தியாளா்களிடம் அமைச்சா் எ.வ. வேலு கூறியது:
தென்காசி-திருநெல்வேலி நான்குவழிச் சாலைப் பணிகளை ஆகஸ்ட் மாதத்திற்குள் முடிக்க அதிகாரிகளிடம் வலியுறுத்தப்படும். ராஜபாளையம்- புளியறை நான்குவழிசாலை திட்டத்தை மாற்றுப்பாதையில் அமைக்க வேண்டும் என விவசாயிகள் விடுத்த கோரிக்கையை ஏற்று, அதற்காக அமைக்கப்பட்ட குழுவின் அறிக்கையின்படி பணிகள் நடைபெற்று வருகின்றன. நெடுஞ்சாலை சொத்துகளை கண்டறியும் புதிய திட்டத்தை கொண்டு வந்துள்ளோம் என்றாா் அவா்.
பேட்டியின்போது, அமைச்சா் கே.கே.எஸ்.எஸ்.ஆா்.ராமச்சந்திரன், ஆட்சியா் துரை.ரவிச்சந்திரன், திமுக மாவட்டச் செயலா் பொ.சிவபத்மநாதன் ஆகியோா் உடனிருந்தனா்.