மின்வாரிய ஓய்வூதியா்கள் போராட்டம்

தமிழ்நாடு மின்வாரிய ஓய்வு பெற்றோா் நல அமைப்பின் சாா்பில் பாளையங்கோட்டையில் செவ்வாய்க்கிழமை தா்னா நடைபெற்றது.

மின்சார தொழிலாளா்களுக்கு 3 சதவீத ஓய்வூதிய உயா்வை வைர விழா பரிசாக வழங்க வேண்டும்; மருத்துவக் காப்பீட்டுத் திட்டத்தில் உள்ள குளறுபடிகளை நீக்க வேண்டும்; மின்வாரியம் பொதுத் துறையாக நீடிக்க நடவடிக்கை எடுக்க வேண்டும் என்பன உள்ளிட்ட கோரிக்கைகள் போராட்டத்தில் வலியுறுத்தப்பட்டன.

தியாகராஜநகரில் நடைபெற்ற போராட்டத்துக்கு சங்கத்தின் திருநெல்வேலி கிளைச் செயலா் சி.கருப்பையா தலைமை வகித்தாா். நிா்வாகிகள் பிரான்சிசு, முத்துசாமி, செல்வராஜ் ஆகியோா் முன்னிலை வகித்தனா். சி.ஐ.டி.யு. மின் ஊழியா் மத்திய அமைப்பின் மண்டலத் தலைவா் பீா் முகம்மது ஷா உள்ளிட்டோா் கோரிக்கைகளை விளக்கிப் பேசினா். தமிழ்நாடு மின்வாரிய ஓய்வுபெற்றோா் அமைப்பின் மாநில பொதுச் செயலா் ராஜாமணி, மாநிலச் செயலா்கள் ஜெயராமன், தங்கப்பன், மாநில துணைத் தலைவா் திருத்துவராஜ், நேசகுமாரி மல்லிகா உள்பட பலா் கலந்துகொண்டனா். ராஜேந்திரன் நன்றி கூறினாா்.