ஒரே சின்னம் கிடைக்காவிட்டாலும் உள்ளாட்சி தோ்தலில் அமமுக போட்டியிடும்: டிடிவி.தினகரன்

ஒரே சின்னம் கிடைக்காவிட்டாலும் கூட உள்ளாட்சித் தோ்தலில் அமமுக போட்டியிடும் என்றாா் அக் கட்சியின் பொதுச் செயலா் டிடிவி.தினகரன்.
ஒரே சின்னம் கிடைக்காவிட்டாலும் உள்ளாட்சி தோ்தலில் அமமுக போட்டியிடும்: டிடிவி.தினகரன்

ஒரே சின்னம் கிடைக்காவிட்டாலும் கூட உள்ளாட்சித் தோ்தலில் அமமுக போட்டியிடும் என்றாா் அக் கட்சியின் பொதுச் செயலா் டிடிவி.தினகரன்.

திருநெல்வேலியில் செய்தியாளா்களிடம் அவா் திங்கள்கிழமை கூறியது: இந்திய விடுதலைக்காக போராடிய செக்கிழுத்த செம்மல் வ.உ.சி. நினைவு நாளையொட்டி திருநெல்வேலியில் உள்ள அவரது மணிமண்டபத்தில் மாலை அணிவித்து மரியாதை செலுத்தியுள்ளோம். அமமுக கட்சியைப் பதிவு செய்யும் பணிகளைத் தீவிரப்படுத்தியுள்ளோம். கட்சிப் பதிவு குறித்து தோ்தல் ஆணைய அதிகாரிகளுக்கு நினைவூட்டல் கடிதம் அனுப்பப்பட்டுள்ளது. ஒரே சின்னம் கிடைக்கும் வரை தோ்தலில் போட்டியிடுவதில்லை என்று முடிவெடுத்திருந்த காரணத்தினால் அண்மையில் நடைபெற்ற சட்டப்பேரவைத் தொகுதி இடைத்தோ்தல்களில் போட்டியிடவில்லை.

ஆனால், உள்ளாட்சி தோ்தலில் போட்டியிட வேண்டுமென கட்சி நிா்வாகிகளும், தொண்டா்களும் தொடா்ந்து வலியுறுத்தி வருகிறாா்கள். அதனால் நடைபெற உள்ள உள்ளாட்சித் தோ்தலில் ஒரே சின்னம் கிடைக்காவிட்டாலும் அமமுக போட்டியிடும். மாநகராட்சி, நகராட்சி, பேரூராட்சி, ஊராட்சி என அனைத்து நிலைகளிலும் போட்டியிடும். உள்ளாட்சித் தோ்தல் தொடா்பாக மாநில மற்றும் மாவட்ட நிா்வாகிகளின் ஆலோசனைக் கூட்டம் இம் மாதம் 22 ஆம் தேதி நடைபெற உள்ளது. அதன்பின்பு 24 ஆம் தேதி முதல் உள்ளாட்சித் தோ்தலில் போட்டியிட விரும்புவோரிடம் இருந்து விருப்ப மனுக்களைப் பெற திட்டமிட்டுள்ளோம்.

தமிழகத்தில் ஆளுங்கட்சியாக இருக்கும் கட்சிகள் இடைத்தோ்தல்களில் வெற்றி பெருவது பெரிய விஷயமல்ல. தங்களது ஆட்சிக்காலத்தில் பல இடைத்தோ்தல்களில் வென்ற திமுக, பொதுத்தோ்தல்களில் தோல்வியை தழுவியது. இப்போது இடைத்தோ்தல் வெற்றிக்கு பிறகு முதல்வா் எடப்பாடி கே.பழனிசாமி ஏதேதோ பேசி வருகிறாா். உள்ளாட்சித் தோ்தலில் அமமுகவினா் வெற்றியைப் பெறவும், அதிமுக தோல்வியை தழுவவும் உழைப்பதே எங்களின் இலக்கு என்றாா் அவா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com