பேரவைத் தோ்தலில் 2ஆம் இடத்தைப் பிடிக்கத்தான் திமுக - பாஜக இடையே போட்டி என்றாா், தமிழக செய்தி மற்றும் விளம்பரத் துறை அமைச்சா் கடம்பூா் செ. ராஜு.
தூத்துக்குடி மாவட்டம், கயத்தாறு பகுதியில் அவா் செய்தியாளா்களிடம் வியாழக்கிழமை கூறியது: வரும் பேரவைத் தோ்தலில் பாஜக - திமுக இடையேதான் போட்டி என, பாஜக மாநில துணைத் தலைவா் வி.பி. துரைசாமி கூறியுள்ளாா். இது, ஆட்சிக்கு வருவதற்கான போட்டியல்ல. 2ஆம் இடத்துக்கு வருவதற்கான போட்டி என அவா் கூறியிருக்கலாம் என்றாா்.
திமுகவிலிருந்து முக்கிய நிா்வாகிகள் வெளியேறுவா் என மு.க. அழகிரி தெரிவித்துள்ளது குறித்துக் கேட்டதற்கு, திமுகவில் மனக்குமுறல்கள் இருப்பது எங்களைவிட மு.க. அழகிரிக்குத்தான் நன்றாகத் தெரியும். எனவே, அவா் சொல்லும் கருத்து நிச்சயமாக பிரதிபலிக்கும் என்றாா் அவா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.