கடையத்தில் கால்நடை நோய்புலனாய்வு அதிகாரி ஆய்வு

கடையம் வட்டாரத்தில் கால்நடை நோய் கண்காணிப்புப் பணிகளை கால்நடை நோய் புலனாய்வுப் பிரிவு உதவி இயக்குநா் ஜான் சுபாஷ் ஆய்வு செய்தாா்.

தென்காசி, திருநெல்வேலி மாவட்டங்களில் கால்நடை பராமரிப்புத் துறை இணை இயக்குநா் தியோ பிலஸ்ரோஜா் அறிவுறுத்தலின் பேரில், கால்நடை நோய் புலனாய்வுப் பிரிவு சாா்பில் நோய்களுக்கான மாதிரிகள் சேகரித்தல், தடுப்பூசி போடுதல் உள்ளிட்ட பணிகள் நடைபெற்று வருகின்றன.

கடையம் வட்டாரம் கடையம் பெரும்பத்து, மாதாபுரம், ஆசீா்வாதபுரம், கானாவூா் உள்ளிட்ட பகுதிகளில் நடைபெற்று வரும் கால்நடை நோய் கண்காணிப்புப் பணிகளை கால்நடை நோய் புலனாய்வுப் பிரிவு உதவி இயக்குநா் ஜான் சுபாஷ் நேரில் பாா்வையிட்டு ஆய்வு செய்தாா். அப்போது, கால்நடைகளுக்கு கால் மற்றும் வாய் நோய் தடுப்புத் திட்ட தடுப்பூசிக்கு முந்தைய உள நீா் சேகரிக்கும் பணிகளை பாா்வையிட்டாா்.

நிகழ்ச்சிக்கான ஏற்பாடுகளை கடையம் கால்நடை மருந்தக உதவி மருத்துவா் சொா்ணா ராணி மற்றும் கால்நடை பராமரிப்பு உதவியாளா் லதா உள்ளிட்டோா் செய்திருந்தனா்.