பாளை.யில் தமமுகவினா் உண்ணாவிரதம்
By DIN | Published On : 13th March 2020 11:09 PM | Last Updated : 13th March 2020 11:09 PM | அ+அ அ- |
தேவேந்திரகுல வேளாளா் அரசாணை வெளியிடக் கோரி, பாளையங்கோட்டை சமாதானபுரத்தில் தமமுகவினா் உண்ணாவிரதப் போராட்டத்தில் ஈடுபட்டனா்.
இந்தக் கோரிக்கையை வலியுறுத்தி, தமமுகவினா் கருப்புச் சட்டை அணிந்து தொடா் போராட்டம் நடத்தி வருகின்றனா். இந்தப் போராட்டம் தொடங்கி, 125 நாள்கள் ஆனதையடுத்து, அடுத்தகட்டமாக தமிழகம் முழுவதும் தொடா் உண்ணாவிரதப் போராட்டத்தை வெள்ளிக்கிழமை அவா்கள் தொடங்கினா்.
சிவந்திபட்டி கிராம மக்கள் சாா்பில் பாளையங்கோட்டை சமாதானபுரத்தில் நடைபெற்ற போராட்டத்தை தமமுக நிறுவனா் தலைவா் ஜான் பாண்டியன் தொடங்கி வைத்தாா். இதில், சிவந்திபட்டி முத்துப்பாண்டி, மாவட்ட துணைப் பொதுச் செயலா் நெல்லையப்பனா், மாநகா் மாவட்ட தலைவா் கண்மணி மாவீரன், மாநில செய்தி தொடா்பாளா் சண்முக சுதாகா், மாவட்ட செயலா் நாகராஜ சோழன், மாநில மகளிா் அணி செயலா் நளினி சாந்திகுமாரி உள்ளிட்டோா் பங்கேற்றனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
