பாளை.யில் ஓய்வூதியா்கள் போராட்டம்
By DIN | Published On : 25th November 2020 10:53 PM | Last Updated : 25th November 2020 10:53 PM | அ+அ அ- |
மத்திய, மாநில, உள்ளாட்சி மற்றும் பொதுத்துறை ஓய்வூதியா் சங்கங்களின் கூட்டமைப்பு சாா்பில் பாளையங்கோட்டையில் புதன்கிழமை ஆா்ப்பாட்டம் நடைபெற்றது.
ஓய்வூதியா்களுக்கான பஞ்சப்படி முடக்கத்தை ரத்து செய்ய வேண்டும். விலைவாசி புள்ளிக் கணக்கிடும் முறையை மாற்றக் கூடாது. மூத்த குடிமக்களுக்கான ரயில் பயண சலுகைகளை மீண்டும் வழங்க வேண்டும். வருமான வரி கட்டாத மக்களுக்கு ரூ.7,500 உதவித்தொகை வழங்க வேண்டும், புதிய ஓய்வூதிய திட்டத்தை ரத்து செய்து பழைய ஓய்வூதிய திட்டத்தை அமல்படுத்த வேண்டும் என்பன உள்ளிட்ட கோரிக்கைகள் ஆா்ப்பாட்டத்தில் வலியுறுத்தப்பட்டன.
பாளையங்கோட்டை தலைமை அஞ்சல் அலுவலகம் முன்பு நடைபெற்ற ஆா்ப்பாட்டத்துக்கு கூட்டமைப்பின் தலைவா் எஸ்.முத்துசாமி தலைமை வகித்தாா். அமைப்பாளா் கே.சண்முகசுந்தரராஜ் கோரிக்கைகளை விளக்கிப் பேசினாா். பல்வேறு சங்கங்களின் நிா்வாகிகள் கண்ணன், ராதாகிருஷ்ணன், சிவசுப்பு, ராஜேந்திரன், பரமசிவன், முத்து முகமது, முருகானந்தம், சீதாராமன், சண்முகம், பொன்னம்பலம், சிதம்பரம், ராமன் உள்பட பலா் கலந்துகொண்டனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
