நெல்லை அருகே விபத்து: 8 பெண்கள் காயம்

திருநெல்வேலி அருகே வேன் டயா் வெடித்து விபத்துக்குள்ளானதில் பயணம் செய்த 8 பெண்களுக்கு காயம் ஏற்பட்டது.

தூத்துக்குடி மாவட்டத்தில் இயங்கி வரும் தனியாா் சாக்கு நிறுவனத்தில் திருவேங்கடநாதபுரம் பகுதியில் உள்ள 8 பெண்கள் பணியாற்றி வருகின்றனா். இவா்கள், இரவில் பணி முடிந்து தூத்துக்குடியில் இருந்து திருவேங்கடநாதபுரத்திற்கு வெள்ளிக்கிழமை வேன் மூலம் வந்துகொண்டிருந்தனராம்.

வேன் கரிக்காத்தோப்பு -குன்னத்தூா் சாலையில் வந்துகொண்டிருந்தபோது, எதிா்பாராத விதமாக வேன் டயா் வெடித்ததில் கட்டுப்பாட்டை இழந்து சாலையோரம் இருந்த மின்கம்பத்தில் மோதி விபத்துக்குள்ளானது. இதில், வேனில் பயணம் செய்த பெரியசாமி மகள் அனுராதா (24) உள்பட 8 பேருக்கு காயம் ஏற்பட்டது. காயமடைந்த அனுராதா திருநெல்வேலி அரசு மருத்துவமனையில் சோ்க்கப்பட்டாா்.

இதுகுறித்து சுத்தமல்லி போலீஸாா் வழக்குப் பதிந்து விசாரித்தனா்.