திருநெல்வேலி அருகே இருபிரிவினரிடையே ஏற்பட்ட முன்விரோதத்தில் மாணவரை அரிவாளால் வெட்டிய வழக்கில் மேலும் 6 பேரை போலீஸாா்சனிக்கிழமை கைது செய்தனா்.
திருநெல்வேலி அருகே கீழ முன்னீா்பள்ளம் முல்லைநகா் பகுதியைச் சோ்ந்த மாடசாமி மகன் பாலமுருகேஷ் (19) என்பவா் பாளையம் கால்வாயில் குளித்துவிட்டு, அவரது நண்பருடன் பேசிக்கொண்டிருந்தபோது, அங்கு வந்த மா்மக் கும்பல் பாலமுருகேஷை அரிவாளால் வெட்டிவிட்டு தப்பிச்சென்ாம்.
இதில் பலத்த காயமடைந்த பாலமுருகேஷை மீட்டு திருநெல்வேலி அரசு மருத்துவக் கல்லூரி மருத்துவமனையில் அனுமதித்தனா்.
இதனால், ஆத்திரமடைந்த பாலமுருகேஷின் உறவினா்கள் அதே பகுதியில் உள்ள சில வீடுகள், வாகனங்கள் மீது தீ வைத்தனராம். இதனால் அப்பகுதியில் பதற்றம் ஏற்பட்டதை அடுத்து ஏராளமான போலீஸாா் குவிக்கப்பட்டனா். இதுகுறித்து முன்னீா்பள்ளம் போலீஸாா் 10 போ் மீது வழக்குப் பதிவு செய்தனா். மேலும், வீடுகளை சேதப்படுத்தியது தொடா்பாக 40 போ் மீது வழக்குப் பதிவு செய்து விசாரித்து வந்தனா்.
மேலும், சேரன்மகாதேவி காவல் துணைக் கண்காணிப்பாளா் (பொறுப்பு) உதயசூரியன் மேற்பாா்வையில், முன்னீா்பள்ளம் காவல் ஆய்வாளா் சுரேஷ்குமாா் தலைமையில் தனிப்படை அமைக்கப்பட்டு வழக்கில் தொடா்புடையவா்களை தேடும் பணி தீவிரப்படுத்தப்பட்டது. இந்நிலையில் 17 ஆம் தேதி அருண்பாண்டி, இசக்கிபாண்டி ஆகிய இருவரை போலீஸாா் கைது செய்தனா். மேலும் இவ்வழக்கில் தொடா்புடைய சிலரை தேடி வந்தனா்.
இந்நிலையில் கீழ முன்னீா்பள்ளத்தைச் சோ்ந்த சங்கா் என்ற சங்கரலிங்கம் (22), அருணாசலம் (21), தருவையைச் சோ்ந்த முத்து (20), தென்திருபுவனத்தைச் சோ்ந்த பேச்சித்துரை(22), கீழ முன்னீா்பள்ளம் பகுதியைச் சோ்ந்த பாபு மணி என்ற சுப்பிரமணி, புதுகிராமத்தைச் சோ்ந்த முருகன்(24) ஆகிய 6 பேரை தனிப்படை போலீஸாா் சனிக்கிழமை கைது செய்தனா்.
இதையடுத்து, இவ்வழக்கில் 8 போ் கைது செய்யப்பட்டுள்ளனா். மேலும் இதுகுறித்து போலீஸாா் தீவிர விசாரணை மேற்கொண்டு வருகின்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.