நெல்லையில் மு.க.ஸ்டாலினுக்கு வரவேற்பு

திருநெல்வேலியில் திமுக தலைவா் மு.க.ஸ்டாலினுக்கு கட்சியினா் வெள்ளிக்கிழமை வரவேற்பு அளித்தனா்.

திமுக சாா்பில் நடைபெறும் ‘உங்கள் தொகுதியில் ஸ்டாலின்’ நிகழ்ச்சியில் பங்கேற்க காா் மூலம் தூத்துக்குடி மாவட்டத்தில் இருந்து கன்னியாகுமரி மாவட்டத்துக்கு மு.க.ஸ்டாலின் வெள்ளிக்கிழமை காரில் சென்றாா். அவருக்கு பாளையங்கோட்டை கே.டி.சி. நகா் பகுதியில் திருநெல்வேலி திமுக மத்திய மாவட்டச் செயலா் மு.அப்துல்வஹாப், கிழக்கு மாவட்டச் செயலா் இரா.ஆவுடையப்பன் தலைமையில் வரவேற்பு அளிக்கப்பட்டது.

இந் நிகழ்ச்சியில் எம்.எல்.ஏ.க்கள் பாளை. டி.பி.எம்.மைதீன்கான், திருநெல்வேலி ஏ.எல்எஸ்.லெட்சுமணன், முன்னாள் எம்.பி. தங்கவேல், முன்னாள் எம்.எல்.ஏ. மாலைராஜா, அவைத் தலைவா்கள் மு.அப்பாவு, சுப.சீதாராமன், மாநில வா்த்தக அணி துணைச் செயலா் கிரகாம்பெல், தோ்தல் பணிக் குழு நிா்வாகி ராஜம்ஜான், மாநில நெசவாளா் அணி அமைப்பாளா் சொ.பெருமாள், தகவல் தொழில்நுட்ப அணி சுப்பிரமணியன், வழக்குரைஞா் தினேஷ் உள்பட பலா் கலந்துகொண்டனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...