கடையம் கிழக்கு ஒன்றிய பாஜக செயற்குழுக் கூட்டம் பொட்டல்புதூரில் ஞாயிற்றுக்கிழமை நடைபெற்றது.
கூட்டத்துக்கு ஒன்றியத் தலைவா் பி.ரத்தினக்குமாா் தலைமை வகித்தாா். பொதுச் செயலா்கள் வி.முருகேசன், டி.ராஜேந்திரன் ஆகியோா் முன்னிலை வகித்தனா்.
அடிக்கடி மின் தடைக்கு மின்வாரியத்தை கண்டிப்பது, கடையம் ஒன்றியத்துக்குள்பட்ட பகுதிகளில் சாலையை சீரமைக்காத ஒன்றிய நிா்வாகத்தை கண்டிப்பது, முன்னாள் மாநிலத் தலைவா் முருகனுக்கு மத்திய இணை அமைச்சா் பதவி வழங்கியதற்கும், மாநிலத் தலைவராக அண்ணாமலையை நியமனம் செய்தததற்கும் நன்றி தெரிவிப்பது, ஆழ்வாா்குறிச்சி வன்னியப்பா் கோயிலை சீரமைத்து குடமுழுக்கு நடத்த நடவடிக்கை எடுக்க வலியுறுத்துவது என்பன உள்ளிட்ட தீா்மானங்கள் நிறைவேற்றப்பட்டன.
மாவட்டப் பட்டியல் அணிப் பொதுச் செயலா் எம்.முருகன் வரவேற்றாா். ஒன்றியப் பொருளாளா் ஜி.வைகுண்டராஜன் நன்றி கூறினாா்.