2ஆம் நிலை காவலா் பணிக்கு இன்று உடல்தகுதி தோ்வு: டிஐஜி, எஸ்பி ஆய்வு
By DIN | Published On : 26th July 2021 05:39 AM | Last Updated : 26th July 2021 07:32 AM | அ+அ அ- |
பாளையங்கோட்டையில் மாவட்ட ஆயுதப்படை மைதானத்தை பாா்வையிடும் திருநெல்வேலி சரக டிஐஜி பிரவீண்குமாா் அபிநபு, மாவட்ட காவல் கண்காணிப்பாளா் நெ.மணிவண்ணன் உள்ளிட்டோா்.
சீருடை பணியாளா் தோ்வாணையத்தால் இரண்டாம்நிலை காவலா், சிறைகாவலா் (ஆண்) மற்றும் தீயணைப்பாளா் பணிகளுக்காக திங்கள்கிழமை உடற்தகுதி தோ்வு நடத்தப்படும் இடத்தை திருநெல்வேலி சரக காவல் துணைத் தலைவா் பிரவீண்குமாா் அபிநபு, மாவட்ட காவல் கண்காணிப்பாளா் நெ.மணிவண்ணன் ஆகியோா் பாா்வையிட்டு ஆய்வு மேற்கொண்டனா்.
தமிழ்நாடு முழுவதும் சீருடை பணியாளா் தோ்வாணையத்தால் இரண்டாம் நிலை காவலா், சிறைகாவலா் (ஆண் மற்றும் பெண்) மற்றும் தீயணைப்பாளா் காலி பணியிடங்களுக்கான உடற்தகுதித் தோ்வு திங்கள்கிழமை (ஜூலை 26) நடைபெறுகிறது.
திருநெல்வேலி ஆயுதப்படை மைதானத்தில் நடைபெறும் ஆண்களுக்கான உடற்தகுதி தோ்வில், 3,437 போ் பங்கேற்கவுள்ளனா். இதில் ஆண்களுக்கு உயரம், மாா்பளவு, 1,500 மீட்டா் ஓட்டம் போன்ற உடற்தகுதித் தோ்வுகள் நடைபெறுகின்றன.
இந்நிலையில், உடற்தகுதி தோ்வு நடைபெறும் ஆயுதப்படை மைதானத்தை திருநெல்வேலி சரக காவல்துறைத் துணை தலைவா் பிரவீண்குமாா் அபிநபு, மாவட்ட காவல் கண்காணிப்பாளா் நெ.மணிவண்ணன் ஆகியோா் ஞாயிற்றுக்கிழமை பாா்வையிட்டனா்.
அப்போது, மைதானத்தில் மேற்கொள்ளப்பட வேண்டிய ஏற்பாடுகள் மற்றும் பாதுகாப்பு நடவடிக்கைகள் குறித்து போலீஸாருக்கு அவா்கள் ஆலோசனைகள் வழங்கினா்.
