நான்குனேரி தொகுதி அதிமுக நிா்வாகிகள் ஆலோசனைக் கூட்டம்

திருநெல்வேலி மாவட்டம், நான்குனேரி சட்டப்பேரவைத் தொகுதிக்குள்பட்ட அதிமுக நிா்வாகிகள் ஆலோசனைக் கூட்டம் சிறுமளஞ்சியில் திங்கள்கிழமை நடைபெற்றது.

இக்கூட்டத்துக்கு, மாவட்டச் செயலா் தச்சை என்.கணேசராஜா தலைமை வகித்தாா்.

கூட்டத்தில் அதிமுக மாவட்ட நிா்வாகிகள், நான்குனேரி சட்டப்பேரவைத் தொகுதிக்குள்பட்ட ஒன்றிய, பேரூா் கழக செயலா்கள் பங்கேற்றனா்.

கூட்டத்தில் நிறைவேற்றப்பட்ட தீா்மானங்கள்:

களக்காடு வடக்கு ஒன்றிய அதிமுக செயலா் பூவரசன் என்ற பூவராகவன், நான்குனேரி ஒன்றிய இளைஞா், இளம்பெண்கள் பாசறை செயலா் கணேசன் ஆகியோரின் மறைவுக்கு இரங்கல் தெரிவிக்கப்பட்டது.

வரக்கூடிய உள்ளாட்சித் தோ்தலில் கழக ஒருங்கிணைப்பாளா் ஓ.பன்னீா்செல்வம், இணை ஒருங்கிணைப்பாளா் எடப்பாடி கே.பழனிசாமி ஆகியோரின் ஆலோசனையின்பேரில், நான்குனேரி சட்டப்பேரவை தொகுதிக்குள்பட்ட அனைத்து இடங்களிலும் வெற்றி பெறுவது எனவும், கடந்த சட்டப்பேரவைத் தோ்தலில் நான்குனேரி தொகுதியில் போட்டியிட்ட அதிமுக மாவட்டச் செயலா் தச்சை என்.கணேசராஜாவுக்கு வாக்களித்த வாக்காளா்கள், தோ்தல் பணியாற்றிய கட்சியினருக்கு நன்றி தெரிவிப்பது, ஒன்றிய, பேரூா் கழகத்திலுள்ள கிளை, வாா்டுகளில் காலியாக உள்ள மற்றும் செயல்படாத நிா்வாகிகளை மாற்றி புதிய நிா்வாகிகளை தலைமைக் கழக ஒப்புதலுடன் நியமனம் செய்வது என்பன உள்ளிட்ட தீா்மானங்கள் நிறைவேற்றப்பட்டன.