பாளையங்கோட்டை அருகே மனோன்மணீயம் சுந்தரனாா் பல்கலைக்கழகத்துக்குச் சொந்தமாகவுள்ள இடத்தில் விளையாட்டுக் கிராமம் அமைக்க நடவடிக்கை எடுக்கப்படும் என்றாா், நான்குனேரி பேரவைத் தொகுதி காங்கிரஸ் வேட்பாளா் ரூபி மனோகரன்.
திருநெல்வேலி மாவட்டத்தில் திமுக கூட்டணியில் காங்கிரஸ் கட்சிக்கு நான்குனேரி தொகுதி ஒதுக்கப்பட்டுள்ளது. இங்கு காங்கிரஸ் சாா்பில் ஏற்கெனவே 2019 இடைத்தோ்தலில் போட்டியிட்ட ரூபி மனோகரன் மீண்டும் போட்டியிடுகிறாா். வேட்பாளராக அறிவிக்கப்பட்ட பின்னா், அவா் திருநெல்வேலிக்கு செவ்வாய்க்கிழமை வந்தாா். அவருக்கு, காங்கிரஸ் திருநெல்வேலி கிழக்கு மாவட்டத் தலைவா் கே.பி.கே. ஜெயக்குமாா் தனசிங் தலைமையில் பாளையங்கோட்டை கே.டி.சி. நகா் பகுதியில் உற்சாக வரவேற்பு அளிக்கப்பட்டது. திமுகவின் பாளையங்கோட்டை தெற்கு ஒன்றியச் செயலா் தங்கபாண்டியன், வடக்கு ஒன்றியச் செயலா் எம்.முருகன் உள்ளிட்ட கூட்டணிக் கட்சியினரும் பங்கேற்றனா்.
பின்னா் செய்தியாளா்களிடம் ரூபி மனோகரன் கூறியது: நான்குனேரி தொகுதியை முன்மாதிரித் தொகுதியாக்கப் பாடுபடுவேன். வாழை விவசாயிகளுக்காக குளிா்பதனக் கிட்டங்கி உருவாக்கப்படும். குடிநீா்ப் பிரச்னைகளுக்கு முழுமையாக தீா்வு காணப்படும். இளைஞா்களுக்கு வேலைவாய்ப்புகள் அதிகரிக்கப்படும். களக்காட்டில் சொந்த செலவில் ஆம்புலன்ஸ் வசதி ஏற்படுத்திக் கொடுக்கப்படும். பாளையஞ்செட்டிக்குளம் அருகே மனோன்மணீயம் சுந்தரனாா் பல்கலைக்கழகத்துக்குச் சொந்தமான இடத்தில் விளையாட்டுக் கிராமம் அமைக்கப்படும் என்றாா் அவா்.