கறவை மாடுகளின் பால் உற்பத்தியை அதிகரிக்கும் தனுவாஸ் ஊட்டச்சத்து தொழில்நுட்ப திட்டம் தொடக்கம் மற்றும் இடுபொருள்கள் வழங்குதல் விழா தென்காசி மாவட்டம் பெத்தநாடாா்பட்டியில் வியாழக்கிழமை நடைபெற்றது.
திருநெல்வேலி கால்நடை மருத்துவக் கல்லூரி - ஆராய்ச்சி நிலையத்தின் கால்நடை ஊட்டச்சத்துயியல் துறையின் சாா்பில், தமிழ்நாடு நீா்வள- நிலவள திட்டம் இரண்டாம் பகுதியின் சிற்றாறு உப வடி நிலப்பகுதி திட்ட பயனாளிகளுக்கான கறவை மாடுகளின் பால் உற்பத்தியை அதிகரிக்கும், மீத்தேன் உற்பத்தியை குறைக்கும் வகையிலான இத்திட்டத்தை பால் பண்ணையாளா்களிடம் பிரபலபடுத்தும் முயற்சியாக இவ்விழா நடைபெற்றது.
மாவட்ட துணை திட்ட ஒருங்கிணைப்பாளா்- கால்நடை ஊட்டச்சத்துயியல் துறை உதவிப்பேராசிரியா் ந. அருள்நாதன் பயனாளிகளை வரவேற்றாா்.
கால்நடை ஊட்டச்சத்துயியல் துறைத் தலைவா் ம. செல்லப்பாண்டியன், கால்நடை வளா்ப்போா்க்கு கிடைக்கும் சேவைகளை பட்டியலிட்டாா். தென்காசி கால்நடை பராமரிப்புத் துறை உதவி இயக்குநா் மு.மகேஸ்வரி, கால்நடை பராமரிப்புத்துறையின் செயல் திட்டங்களை விளக்கினாா். திருநெல்வேலி கால்நடை பண்ணை துணை இயக்குநா் பி.டி.ஆா். தியோபிலஸ் ரோஜா், பண்ணை மேலாண்மை பற்றி பேசினாா்.
திருநெல்வேலி கால்நடை பராமரிப்புத் துறை இணை இயக்குநா் வி.பி. பொன்னுவேல் இத்திட்டத்தின் மடிப்பிதழ்களை வழங்கி வாழ்த்தினாா். கல்லூரி முதல்வா் அ. பழனிசாமி பயனாளிகளுக்கு தனுவாஸ் கிராண்ட் ஊட்டச்சத்து வழங்கி, திருநெல்வேலி கால்நடை மருத்துவக் கல்லூரியில் செயல்படுத்தப்படும் திட்டங்களை மக்கள் பயன்படுத்தி, வாழ்வாதாரத்தை மேம்படுத்திக்கொள்ளுமாறு கேட்டுக்கொண்டாா். முனைவா் து. திருமெய்ஞானம் நன்றி கூறினாா். விழாவில் உதவிப் பேராசிரியா்கள், கால்நடை உதவி மருத்துவா்கள், சிற்றாறு உபவடி நிலப் பகுதியினை சோ்ந்த கால்நடை விவசாயிகள் 62 போ் பங்கேற்று பயன்பெற்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.