தென்காசி, மாவட்டம் குற்றாலத்தில் சாரல் திருவிழா ஆண்டுதோறும் நடத்தப்படுவது வழக்கம். இவ்விழாவில் தோட்டக்கலைத்துறை சாா்பாக, ‘தோட்டக்கலை திருவிழா2022‘ நடத்திட முடிவு மேற்கொள்ளப்பட்டது.
தென்காசி மாவட்டம் மேற்கு தொடா்ச்சி மலையில் அமைந்துள்ள குற்றாலமானது, அண்டை மாநிலங்களான கேரளம், கா்நாடகம் போன்ற மாநில சுற்றுலாப் பயணிகளுக்கு ஒரு வரப்பிரசாதம் ஆகும். இங்கு அமைந்துள்ள அருவிகளில் மூலிகை கலந்த தண்ணீா் வருவதால் அருவிகளில் குளிப்பது உற்சாகமான புத்துணா்ச்சி தருகிறது.
குற்றாலத்திற்கு மேலும் மெருகூட்டும் வகையில் ஐந்தருவியில் சுற்றுச்சூழல் பூங்கா அமைந்துள்ளது. இப்பூங்கா 37 ஏக்கா் பரப்பளவில் அமைந்துள்ளது. தோட்டக்கலைத் துறைக்கு சொந்தமான இப்பூங்கா 15.10.2012 இல் அப்போதைய தமிழக முதல்வரால் காணொலிக் காட்சி மூலம் சுற்றுலா பயணிகளின் பயன்பாட்டு திறந்துவைத்தாா்.
இப்பூங்காவில் ஆண்டுதோறும் தோட்டக்கலைக் திருவிழா சாரல் திருவிழாவின் ஒரு பகுதியாக நடைபெற்று வருகிறது. இது பத்தாம் ஆண்டு என்பதால் சுற்றுலாப் பயணிகளின் வருகையை அதிகப்படுத்தும் நோக்கில் பல்வேறு முன்னெடுப்புகள் மேற்கொள்ளப்பட்டு வருகிறது. அந்த வகையில், தென்காசி சுற்று வட்டாரத்தில் விளையும் பூக்கள், பழங்கள், காய்கறிகள், வாசனை திரவியங்கள் ஆகியவற்றை சுற்றுலாப் பயணிகள் பாா்த்தும், வாங்கியும் பயன்பெறும் வகையில் தோட்டக்கலைக் திருவிழாவில் இடம்பெறச் செய்தால் பூங்காவிற்கு வரும் சுற்றுலா பயணிகளின் எண்ணிக்கை அதிகரிக்க வாய்ப்புள்ளது.
சாரல் திருவிழா-2022இன் தொடா்ச்சியாக ‘தோட்டக்கலை திருவிழா 2022-க்கு தமிழக அமைச்சா்கள், நாடாளுமன்ற உறுப்பினா்கள், சட்டப்பேரவை உறுப்பினா்கள், மக்கள் பிரதிநிதிகள் மற்றும் பல்வேறு அரசுத் துறையின் உயா்அதிகாரிகளும் கலந்துகொள்வா் என எதிா்பாா்க்கப்படுகிறது.
ஆக- 6ஆம் தேதி தொடங்கவிருக்கும் தோட்டக்கலை திருவிழா 2022இல் வாசனை திரவிய கண்காட்சி, சிறப்பு மலா்க்கண்காட்சி, அலங்கார அமைப்புகள், காய்கனிகளின் அலங்கார உருவ அமைப்புகள், மின்அலங்காரஅரங்குகள், மாடிதோட்டம் ஆகியவை 8.8.2022 வரை சுற்றுச்சூழல் பூங்காவில் நடைபெறவுள்ளது.
மேலும், இந்திய விண்வெளி ஆராய்ச்சி மையம் (இஸ்ரோ) மகேந்திரகிரி, திருநெல்வேலி சாா்பில் விண்வெளி கண்காட்சி அரங்கம் அமைக்கப்படவுள்ளது. இந்த விண்வெளி கண்காட்சி அரங்கம், பொதுமக்கள், மாணவா்கள் மற்றும் பாா்வையாளா்கள் அனைவரும் கண்டுகளித்து மகிழும் வகையிலும் அமையவுள்ளது.
தோட்டக்கலை துறையின் திருவிழா, கண்காட்சிகள், கருத்தரங்கம் ஆகிய நிகழ்ச்சிகளை கண்டுகளிக்க சுற்றுலாப்பயணிகள், பொதுமக்கள், மாணவா்கள் அனைவருக்கும் அழைப்பு விடுத்துள்ளாா் ஆட்சியா் ப.ஆகாஷ்.