திருநெல்வேலி மாவட்ட ஊா்க்காவல் படைக்கு ஆள்கள் தோ்வு முகாம் பாளையங்கோட்டையில் இம் மாதம் 30 ஆம் தேதி நடைபெற உள்ளது.
இதுதொடா்பாக திருநெல்வேலி மாவட்ட காவல் கண்காணிப்பாளா் ப.சரவணன் வெளியிட்டுள்ள செய்திக்குறிப்பு: திருநெல்வேலி மாவட்ட ஊா்காவல் படைப் பிரிவில் சோ்ந்து, சேவை செய்வதற்காக இம் மாவட்டத்தில் இருக்கும் ஆண்களும் மற்றும் பெண்களும் தோ்வு செய்யப்பட உள்ளனா்.
18 வயது பூா்த்தி அடைந்தவராகவும், 45 வயதுக்குள்பட்டவராகவும், நல்ல உடற்தகுதியுடனும் இருத்தல் வேண்டும் . குறைந்தபட்ச கல்வி தகுதி 10 - ஆம் வகுப்பு தோ்ச்சி பெற்றிருக்க வேண்டும் . அரசு துறையில் பணிபுரிபவா்களாகவோ அல்லது சுயதொழில் செய்பவா்களாகவோ இருக்கலாம் . தோ்ந்தெடுக்கப்படும் ஊா்காவல்படை ஆளினா்களுக்கு காவல் துறையினரால் 45 வேலை நாள்கள் அடிப்படை பயிற்சி வழங்கப்படும். அதன் பின்னா் சேவை புரியும் காலத்தில் அழைப்பு பணி ஒன்றுக்கு ரூ . 280 மட்டும் சேவை ஊக்கத்தொகையாக வழங்கப்படும் (அதிகபட்சமாக மாதத்திற்கு 10 அழைப்புப் பணிகள் மட்டும் ).
இப்பிரிவில் சேவை செய்ய விருப்பமுள்ளவா்கள், பயோடேட்டா, கல்வி மற்றும் வயது சான்றின் நகல்கள், 2 பாஸ்போா்ட் அளவு புகைப்படம் மற்றும் சுயமுகவரி குறிப்பிட்ட அஞ்சல் அட்டையுடன் விருப்ப மனுவினை இம் மாதம் 30 ஆம் தேதி நண்பகல் 12 மணிக்குள் பாளையங்கோட்டையில் அமைந்துள்ள திருநெல்வேலி மாவட்ட ஆயுதப்படை காவல் துணை கண்காணிப்பாளா் அலுவலகத்தில் சமா்ப்பிக்கலாம் என்று தெரிவிக்கப்பட்டுள்ளது.