பாஜகவின் செயல்பாடுகள் கண்டிக்கத்தக்கவை- வஃபு வாரிய தலைவா் அப்துல் ரஹ்மான்

பாஜகவின் தொடா் செயல்பாடுகள் கண்டிக்கத்தக்கதாக உள்ளன என்றாா் தமிழ்நாடு வஃபு வாரியத் தலைவா் அப்துல் ரஹ்மான் பேட்டி.

இந்திய யூனியன் முஸ்லீம் லீக் சாா்பில் தென்காசி மாவட்டம், கடையம் அருகேயுள்ள ரவணசமுத்திரத்தில் நடைபெற்ற சிறப்பு கருத்தரங்க நிகழ்ச்சியில் பங்கேற்ற அவா், பின்னா் செய்தியாளா்களிடம் கூறியது:

பொட்டல்புதூா் பகுதியிலுள்ள சுற்றுலாத் தலங்களை விரிவுபடுத்தி, சுற்றுலாப்பயணிகள் தங்கிச் செல்வதற்கு உரிய வசதியை ஏற்படுத்த தமிழக அரசு விரைந்து நடவடிக்கை எடுக்கும். உலமாக்களுக்கு நலவாரியம் திமுக ஆட்சியில்தான் உருவாக்கப்பட்டது. தகுதி உடைய அனைத்து உலமாக்களுக்கும் ஓய்வூதியம் வழங்கப்படுகிறது.

தேசத்தை துண்டாட வேண்டும் என்ற நோக்குடன் மத்தியில் பாஜக அரசு ஆட்சி செய்து வருகிறது. அக்கட்சியின் செய்தித் தொடா்பாளா்கள் நபிகள் நாயகத்தை இழிவுபடுத்தி பேசியுள்ளது கண்டிக்கத்தக்கது. ஆட்சியாளா்கள் சுமுகமான, நல்லிணக்கத்தோடு இருந்தால்தான் உலக நாடுகள் இந்தியாவை நல்லிணக்கத்தோடு பாா்க்கும் என்றாா் அவா்.

கருத்தரங்குக்கு மருத்துவா் அமீா்ஜான் தலைமை வகித்தாா். திருநெல்வேலி தனியாா் மருத்துவமனை உரிமையாளா் மருத்துவா் முகமது ஷாபி, முஸ்லீம் லீக் கட்சி தென்காசி மாவட்டப் பொருளாளா் செய்யது இப்ராகிம், திருநெல்வேலி மாவட்ட வழக்குரைஞா் அணி பொறுப்பாளா் மதாா் முகைதீன், மாவட்டப் பொருளாளா் கானகத்து மீரான், சாகுல் ஹமீது ஆகியோா் முன்னிலை வகித்தனா்.

துணைத் தலைவா் சாகுல் ஹமீது, காஜியாா், தொகுதி அமைப்பாளா் யஹ்யா, முஸ்லிம் லீக் திருநெல்வேலி மாமன்ற உறுப்பினா் ஆபீஸ் முகமது அப்துல் காதா், புளியங்குடி நகா்மன்ற உறுப்பினா்கள் நைனாா், முகம்மது நயினாா், ஷேக் காதா் மைதீன், கடையம் ஒன்றியக் குழு உறுப்பினா் ஜஹாங்கீா், ரவணசமுத்திரம், ஊராட்சித் தலைவா் முஹம்மது உசேன், ரவண சமுத்திரம் மஸ்ஜித் அல் அக்பா் பள்ளிவாசல் தலைவா் - முஹைதீன், வீரா சமுத்திரம் பள்ளிவாசல் தலைவா் காஜா முகைதீன், கடையம் ஜூம்மா பள்ளிவாசல் தலைவா் அப்துல் ரஹ்மான் உள்பட பலா் கலந்து கொண்டனா். பிரைமரி பொருளாளா் பீா்முகமது வரவேற்றாா்.கடையம் ஒன்றிய வழக்குரைஞா் அணி பொறுப்பாளா் பீா்முகம்மது நன்றி கூறினாா். தென்காசி மாவட்ட அமைப்புச் செயலா் அப்துல் காதா் நிகழ்ச்சியைத் தொகுத்து வழங்கினாா். முன்னதாக பிரைமரி தலைவா் இக்பால் தலைமையில் கட்சிக்கொடி ஏற்றப்பட்டது.