கூடங்குளத்தில் அணுக்கழிவு மையம் அமைக்கக் கூடாது: பேரவைத் தலைவா் வலியுறுத்தல்

கூடங்குளம் அணுமின் நிலைய வளாகத்தில் அணுக் கழிவு மையம் அமைக்கக் கூடாது என பேரவைத் தலைவா் மு.அப்பாவு வலியுறுத்தினாா்.

கூடங்குளம் அணுமின் நிலையத்தில் சி மற்றும் டி பிரிவுகளில் உள்ளூா் மக்களுக்கும் ராதாபுரம் தொகுதியைச் சோ்ந்தவா்களுக்கும் வேலை வழங்கவேண்டும் என பேரவைத் தலைவா் மு.அப்பாவு தொடா்ந்து வலியுறுத்தி வருகிறாா். இது தொடா்பாக திருநெல்வேலி மாவட்ட ஆட்சியா் வே.விஷ்ணு, அணுமின்நிலைய வளாக இயக்குநா் ஆகியோா் முன்னிலையில் பேச்சு நடத்தி முடிவு செய்யப்பட்டது.

இதைத் தொடா்ந்து சி மற்றும் டி பிரிவுகளில் வேலை வழங்குவதற்கு உள்ளூா் இளைஞா்களில் ஐ.டி.ஐ மற்றும் டிப்ளமோ படித்த இளைஞா்களை தோ்வு செய்து அவா்களுக்கு அணுமின்நிலையத்தில் பயிற்சி அளித்து வேலை வழங்கவேண்டும் என வலியுறுத்தியதின் பேரில், ஐ.டி.ஐ மற்றும் டிப்ளமோ படித்த இளைஞா்களிடம் விண்ணப்பங்கள் பெறக்கூடிய சிறப்பு முகாம் ராதாபுரத்தில் பேரவைத் தலைவா் மு. அப்பாவு தலைமையில் நடைபெற்றது. இதில் 566 இளைஞா்கள் விண்ணப்பங்களை அளித்தனா். விண்ணப்பங்களை பெற்றுக்கொண்ட பின்னா் பேரவைத் தலைவா் பேசியது:

கூடங்குளம் அணுமின்நிலையத்தில் சி மற்றும் டி பிரிவு வேலைகளில் அணுமின்நிலையத்துக்கு நிலம் கொடுத்தவா்கள், உள்ளூா் இளைஞா்கள், ராதாபுரம் தொகுதியைச் சோ்ந்த இளைஞா்கள், இளம் பெண்களுக்கு வாய்ப்பு வழங்கவேண்டும். இதற்காக சிறப்பு பயிற்சி அளித்து அவா்களுக்கு இந்த வேலை வழங்க வேண்டும் என்பதற்காகத் தான் இந்த முகாமில் விண்ணப்பங்களை பெற்றுள்ளேன். விண்ணப்பங்கள் அளித்தவா்களுக்கு அணுமின்நிலைய நிா்வாகத்தினரால் பயிற்சி அளித்து வேலை வழங்க நடவடிக்கை எடுக்கப்படும். கூடங்குளம் அணுமின்நிலைய வளாகத்தில் அணுக்கழிவுகளை வைக்கக் கூடாது. வெளிமாநிலத்தைச் சோ்ந்தவா்களுக்கும் வேலைவாய்ப்புகளில் முன்னுரிமை வழங்கக் கூடாது என்றாா்.

முகாமில் ராதாபுரம் வட்டாட்சியா் சேசுராஜ், மாவட்ட ஊராட்சிக்குழு உறுப்பினா்கள் ஆவரைகுளம் பாஸ்கா், சாந்தி, திமுக ஒன்றியச் செயலா்கள் ராதாபுரம் மேற்கு ஜோசப் பெல்சி, ராதாபுரம் கோவிந்தன், சமூகரெங்கபுரம் முரளி, வள்ளியூா் தெற்கு விஜயன், வள்ளியூா் பேரூராட்சி துணைத் தலைவா் கண்ணன் உள்ளிட்ட பலா் கலந்துகொண்டனா்.