திருநெல்வேலி மாவட்டத்தில் உள்ள அனைத்து ஊராட்சி தலைவா்களுக்கும் காணொலிக் காட்சி மூலம் இயற்கை வேளாண்மை குறித்த விழிப்புணா்வு பயிற்சி முகாம் இணையவழியில் நடைபெற்றது.
வேளாண்மை உழவா் நலத்துறை சாா்பில் உழவா் பயிற்சி நிலையம் மூலம் நடைபெற்ற இந்த பயிற்சி முகாமை மாவட்ட ஆட்சியா் விஷ்ணு தொடங்கி வைத்து பேசுகையில், திருநெல்வேலி மாவட்டம் இயற்கை வேளாண்மையில் முன்னோடியாகத் திகழ்கிறது. இங்கு இயற்கை விவசாயத்தை ஊக்குவிக்கும் வகையில் பல்வேறு திட்டங்கள் செயல்படுத்தப்பட்டு வருகின்றன’ என்றாா்.
இதில், மாவட்ட வேளாண் இணை இயக்குநா் இரா.கஜேந்திர பாண்டியன், உழவா் பயிற்சி நிலையத்தின் துணை இயக்குநா் டேவிட் டென்னிசன், ஊா்மேலழகியான் வேளாண் அறிவியல் மையத் தலைவா் சுகுமாா், கோவை தமிழ்நாடு வேளாண்மை பல்கலைக்கழக நம்மாழ்வாா் இயற்கை வேளாண் ஆராய்ச்சி மைய பேராசிரியா் சுகந்தி, மகேந்திரகிரி பாரம்பரிய விவசாயிகள் சங்க தலைவா் மகேஸ்வரன் ஆகியோா் உரையாற்றினா்.
முகாமில், திருநெல்வேலி மாவட்டத்தில் உள்ள அனைத்து ஊராட்சி தலைவா்களும் அந்தந்த வட்டாரத்தில் உள்ள வேளாண்மை உதவி இயக்குநா் அலுவலகத்திலிருந்து காணொலிக் காட்சி மூலம் கலந்துகொண்டனா். ஏற்பாடுகளை வேளாண்மை அலுவலா் ஞானதீபா செய்திருந்தாா்.