கைத்தறி நெசவாளா்களுக்கு சிறப்பு மருத்துவ முகாம்

சேரன்மகாதேவி: தேசிய கைத்தறி தினம், முன்னாள் முதல்வா் கருணாநிதியின் நூற்றாண்டு விழா ஆகியவற்றை முன்னிட்டு, வீரவநல்லூா், கல்லிடைக்குறிச்சி நெசவாளா் காலனிகளில் மருத்துவ முகாம்- கைத்தறி துணிகள் விற்பனை கண்காட்சி திங்கள்கிழமை நடைபெற்றது.

வீரவநல்லூரில் மருத்துவ முகாமை கைத்தறி அலுவலா் சு. சுலோச்சனா, மருத்துவா்கள் குத்துவிளக்கு ஏற்றி தொடங்கிவைத்தனா். மருத்துவக் குழுவினா் 400-க்கும் மேற்பட்ட கைத்தறி நெசவாளா்களுக்கு பரிசோதனை செய்து சிகிச்சை அளித்தனா். நோயாளிகளுக்கு மருந்து- மாத்திரைகள் வழங்கப்பட்டன.

மேலும், கைத்தறி நெசவாளா்களுக்கு முத்ரா திட்டத்தின் கீழ் கடனுதவி வழங்கியதுடன், கோ ஆப் டெக்ஸ் மூலம் கைத்தறி துணிகள் விற்பனை கண்காட்சி நடைபெற்றது. மரக்கன்றுகள் நடப்பட்டன. நலவாரிய உறுப்பினா்கள் சோ்ப்பு, நெசவாளா்களுக்கான திட்டங்கள் குறித்த விழிப்புணா்வு நிகழ்ச்சி ஆகியவை நடைபெற்றன. கைத்தறி ஆய்வாளா் ரா. செல்வகணேஷ் பாண்டியன் நன்றி கூறினாா்.

கல்லிடைக்குறிச்சி நெசவாளா் காலனியில் நடைபெற்ற மருத்துவ முகாமில் 100-க்கும் மேற்பட்ட பெண்கள், குழந்தைகளுக்கு பரிசோதனை செய்து சிகிச்சை அளிக்கப்பட்டது. நிகழ்ச்சியில், கைத்தறி ஆய்வாளா் பா. ஆனந்த் கைத்தறி தினம்- நெசவாளா்களுக்கான திட்டங்கள் குறித்து பேசினாா். இங்கும் மரக்கன்றுகள் நடப்பட்டன. கோ ஆப்டெக்ஸ் சாா்பில் கைத்தறி துணிகள் விற்பனைக் கண்காட்சி நடைபெற்றது. இதில், நெசவாளா்கள் சங்க நிா்வாகிகள், பணியாளா்கள் கலந்துகொண்டனா். இளநிலை தொழில்நுட்ப ஆய்வாளா் க. பிரியா நன்றி கூறினாா்.