வீரவநல்லூரில் கஞ்சா வைத்திருந்த மூவா் கைது

வீரவநல்லூரில் கஞ்சா வைத்திருந்ததாக மூவரை போலீஸாா் கைது செய்தனா்.

வீரவநல்லூா் காவல் உதவி ஆய்வாளா் காவுராஜன் தலைமையில் போலீஸாா், உப்பாத்து காலனி பகுதியில் ரோந்து பணியில் ஈடுபட்டிருந்தனா். அப்போது மோட்டாா் சைக்கிளில் வந்த மூவரை மடக்கி விசாரித்தனா்.

அம்பாசமுத்திரம் அருகேயுள்ள பிரம்மதேசத்தைச் சோ்ந்த சின்னத்தம்பி (54), வீரவநல்லூா் அருகேயுள்ள புதுக்குடியைச் சோ்ந்த இசக்கிமுத்து (19), கிளாக்குளத்தைச் சோ்ந்த சொா்ணமுத்து (33) ஆகிய மூவரும் கஞ்சா வைத்திருந்தது தெரியவந்தது. இதையடுத்து போலீஸாா் வழக்குப் பதிந்து மூவரையும் கைது செய்து, அவா்களிடம் இருந்து 40 கிராம் கஞ்சாவை பறிமுதல் செய்தனா்.