திருநெல்வேலி மத்திய மாவட்ட திமுக பொறுப்பாளராக நியமிக்கப்பட்டுள்ள முன்னாள் அமைச்சா் டி.பி.எம்.மைதீன்கானுக்கு கட்சியினா் வாழ்த்து தெரிவித்தனா்.
திருநெல்வேலி மத்திய மாவட்ட திமுக செயலராக இருந்த மு. அப்துல்வஹாப் அப் பொறுப்பில் இருந்து விடுவிக்கப்பட்டு புதிய பொறுப்பாளராக முன்னாள் அமைச்சா் டி.பி.எம்.மைதீன்கான் நியமிக்கப்படுவதாக திமுக பொதுச்செயலா் துரைமுருகன் தெரிவித்தாா். இதையடுத்து திருநெல்வேலி நகரத்தில் உள்ள அவரது இல்லத்தில் டி.பி.எம்.மைதீன்கானை கட்சியினா் நேரில் சந்தித்து வாழ்த்து தெரிவித்தனா். திருநெல்வேலி மாநகர திமுக செயலா் சுப்பிரமணியன், மேயா் பி.எம். சரவணன், முன்னாள் எம்எல்ஏ மாலைராஜா, பகுதிச் செயலா்கள் அன்டன் செல்லத்துரை, கோபி என்ற நமச்சிவாயம், அருண்குமாா், மாமன்ற உறுப்பினா் கருப்பசாமி கோட்டையப்பன் உள்ளிட்டோா் வாழ்த்து தெரிவித்தனா்.