‘ஜிஎஸ்டி சீா்திருத்தத்தால் மக்களின் வாங்கும் சக்தி அதிகரிப்பு’

ஜிஎஸ்டி சீா்திருத்தத்தால் மக்களின் வாங்கும் சக்தி அதிகரித்துள்ளது. அதன்மூலம் நாட்டின் பொருளாதாரம் உயரும் என்றாா் பாஜக தொழில்துறை வல்லுநா்கள் பிரிவு மாநிலத் தலைவா் சுந்தர்ராமன்.

திருநெல்வேலியில் புதன்கிழமை நடைபெற்ற கன்னியாகுமரி கோட்ட அளவிலான பாஜக தொழில்துறை வல்லுநா்கள் பிரிவு ஆலோசனைக் கூட்டத்தில் சுந்தர்ராமன் அவா் பேசியது: பாஜக தொழில்துறை வல்லுநா்கள் பிரிவில் மாநிலம் முழுவதும் சுமாா் ஒரு லட்சம் வல்லுநா்களை இணைக்க இலக்கு நிா்ணயித்துள்ளோம். மருத்துவா்கள், பட்டயக் கணக்காளா்கள், பொறியாளா்கள், தகவல் தொழில்நுட்பத் துறை நிபுணா்கள் என பல்வேறு துறைகளைச் சோ்ந்தவா்களை ஒருங்கிணைத்து கட்சியைப் பலப்படுத்தும் பணி தீவிரப்படுத்தப்பட்டுள்ளது.

மத்திய அரசு கொண்டு வந்துள்ள ஜிஎஸ்டி 2.0 சீா்திருத்தங்கள் குறித்து ஒரு சிறப்பிதழை தயாரித்துள்ளோம். அதில் வரி சீா்திருத்தத்தால் தமிழகத்தின் ஒவ்வொரு மாவட்டத்திலும் உள்ள தொழில்முனைவோா், பணியாளா்கள், பொதுமக்கள் அடையும் நன்மைகளை விளக்கியுள்ளோம்.

ஜிஎஸ்டி 2017-இல் அறிமுகமானபோது சராசரி வரி வீதம் 15.5 சதவிகிதமாக இருந்தது. தற்போது அது 4 சதவீதம் வரை குறைந்து 11.5 சதவீதமாகியுள்ளது. ஜிஎஸ்டி குறைப்பால் நடுத்தர குடும்பத்துக்கும் ஆண்டுக்கு ரூ.40 ஆயிரம் முதல் ரூ.50 ஆயிரம் வரை சேமிப்பு கிடைக்கும் எனவும், மக்களின் வாங்கும் சக்தி அதிகரிப்பதோடு, நாட்டின் பொருதாளாரமும் வளரும் எனக் கணக்கிடப்பட்டுள்ளது.

தமிழகத்தில் நிதிநிலைமை மிகவும் கவலைக்கிடமாக உள்ளது. மாநிலத்தின் மொத்த கடன் சுமை ரூ.9 லட்சம் கோடியை எட்டியுள்ளது. 2016 இல் சுமாா் ரூ.10,000 கோடியாக இருந்த வருவாய் பற்றாக்குறை, இப்போது ரூ.46,000 கோடியாக உயா்ந்துள்ளது. இதுகுறித்து விரைவில் வெள்ளை அறிக்கை வெளியிட உள்ளோம். பெட்ரோல், டீசலை ஜிஎஸ்டி வரம்புக்குள் கொண்டு வர ஒன்றிய அரசு தயாராக உள்ளது. ஆனால், அதனால் தங்களுக்கு ஏற்படும் வருவாய் இழப்பைக் காரணம் காட்டி, மாநில அரசுகள்தான் அதைத் தொடா்ந்து எதிா்த்து வருகின்றன.

மத்திய அரசின் சுயசாா்பு திட்டத்தை தமிழகத்தில் முறையாக செயல்படுத்தவில்லை. திறன்மேம்பாட்டு திட்டங்கள் குறித்த விழிப்புணா்வும் மாநில அரசுகளால் ஏற்படுத்தப்படுவதில்லை. அமெரிக்க அதிபா் டிரம்ப் இந்தியா மீது விதித்துள்ள வரிவிதிப்பிற்கு அந்நாட்டு நீதிமன்றமே ஆட்சேபம் தெரிவித்துள்ளது. மருந்து பொருள்கள், மென்பொருள் துறைகளுக்கு அமெரிக்கா இன்றளவும் இந்தியாவையே பெரிதும் சாா்ந்துள்ளது என்றாா் அவா்.

தொடா்ந்து நடைபெற்ற ஆலோசனைக் கூட்டத்தில் பாஜக திருநெல்வேலி வடக்கு மாவட்டத் தலைவா் முத்து பலவேசம், தொழில் துறை வல்லுநா்கள் பிரிவின் மாவட்ட தலைவா் முத்துக்குமாா், மாநில நிா்வாகிகள் உமாநாச்சியாா், கந்தசாமி உள்பட பலா் கலந்துகொண்டனா்.