மக்களவைத் தேர்தல் மற்றும் இடைத்தேர்தல் பாதுகாப்புப் பணியில் ஈடுபடும் தூத்துக்குடி மாவட்டத்தைச் சேர்ந்த காவல்துறையினருக்கான பயிற்சி வகுப்பு தூத்துக்குடியில் சனிக்கிழமை நடைபெற்றது.
மாவட்ட ஆட்சியர் சந்தீப் நந்தூரி பயிற்சி வகுப்பை தொடங்கிவைத்துப் பேசினார். தொடர்ந்து, மாவட்ட காவல் கண்காணிப்பாளர் முரளி ரம்பா பேசுகையில், தேர்தல் ஆணைய விதிமுறைகளை பின்பற்றி பாதுகாப்புப் பணியை காவல் துறையினர் மேற்கொள்ள வேண்டும் என்றார். நிகழ்ச்சியில், காவல்துறை கூடுதல் கண்காணிப்பாளர் பொன்ராமு, காவல் துணை கண்காணிப்பாளர்கள் ஆர். பிரகாஷ், முத்தமிழ், ரமேஷ், மாரியப்பன், பால்துரை, காவல் ஆய்வாளர்கள் அருள் ரோஸ் சிங், பாலமுருகன, காவல் துறை மக்கள் தொடர்பு அலுவலர் சத்திய நாராயணன் மற்றும் 700-க்கும் மேற்பட்ட காவலர்கள் கலந்துகொண்டனர்.