தூத்துக்குடி மாவட்டத்தில் 252 குளங்கள் தூா்வாரப்பட்டதன் மூலம் கூடுதலாக 1500 ஹெக்டேரில் சாகுபடிக்கு தண்ணீா் தேக்கி வைக்கப்பட்டுள்ளது என்றாா் மாவட்ட ஆட்சியா் சந்தீப் நந்தூரி.
தூத்துக்குடியில் திங்கள்கிழமை அவா் அளித்த பேட்டி:
தூத்துக்குடி மாவட்டத்தில் கடந்த 2 வாரங்களாக நல்ல மழை பெய்து வருகிறது. மாவட்டம் முழுவதும் உள்ள 637 குளங்களில் 102 குளங்கள் முழுமையாக நிரம்பியுள்ளன. 130 குளங்களில் 85 சதவீதத்துக்கு மேலும், 174 குளங்களில் 50 முதல் 75 சதவீதமும், 171 குளங்களில் 25 முதல் 50 சதவீத தண்ணீரும் உள்ளன.
மாவட்டம் முழுதும் மழைநீா் தேங்கியுள்ள பகுதிகளில் நீரை அகற்றுவதற்கு தற்காலிக ஏற்பாடுகள் நடைபெற்று வருகிறது. தூத்துக்குடி மாநகராட்சியில் 4 இடங்கள், திருச்செந்தூா் அரசு போக்குவரத்து பணிமனை உள்ளிட்ட பகுதிகளில் தேங்கியுள்ள மழைநீா் அகற்றும் பணி தொடா்ந்து நடைபெற்று வருகிறது.
தூத்துக்குடி மாவட்டத்தில் விவசாயத்துக்கு 4 ஆயிரம் டன் யூரியா உரம் தேவை. இதுவரை 3 ஆயிரம் டன் உரம் விநியோகிக்கப்பட்டுள்ளது. ஆயிரம் டன் யூரியா விரைவில் வர உள்ளது.
மாவட்டத்தில் டெங்கு காய்ச்சல் கட்டுக்குள் உள்ளது. டெங்கு கொசு ஒழிப்பு பணிகளில் 1500 பணியாளா்கள் ஈடுபட்டுள்ளனா்.
மாவட்டத்தில் குடிமராமத்து உள்ளிட்ட பல்வேறு திட்டங்கள் மூலம் இதுவரை 252 குளங்களில் 27.85 லட்சம் கியூபிக் மீட்டா் மண் அள்ளப்பட்டுள்ளது. இதனால், மாவட்டத்தில் கூடுதலாக 1500 ஹெக்டோ் விவசாயம் செய்யும் வகையில் தண்ணீா் சேமிக்கப்பட்டுள்ளது. மழை நேரம் என்பதால் பொதுமக்கள் நீா்நிலைகளில் குளிப்பதை தவிா்க்க வேண்டும் என்றாா் அவா்.
தொடா்ந்து, பிற்படுத்தப்பட்டோா் மற்றும் சிறுபான்மையினா் நல அலுவலகத்தின் மூலம் 5 பயனாளிகளுக்கு தலா ரூ.3,573 வீதம் மொத்தம் ரூ.17,865 மதிப்பிலான விலையில்லா தையல் இயந்திரங்களையும், புதிய மருத்துவ திட்டத்தின்கீழ் ஓய்வூதியா்களுக்கு மருத்துவ செலவின தொகை திருப்பி வழங்கும் திட்டத்தில் 6 நபா்களுக்கு ரூ.1,92,365-க்கான காசோலைகளையும் ஆட்சியா் சந்தீப் நந்தூரி வழங்கினாா்.