மீரான்குளத்தில் நாளை முன்னோடி மனுநீதி நாள் முகாம்

சாத்தான்குளம் அருகே மீரான்குளம் கிராம சமுதாய நலக்கூடத்தில் புதன்கிழமை( ஜூலை 3)  முன்னோடி மனுநீதிநாள் முகாம் நடைபெறுகிறது.
  இது குறித்து வட்டாட்சியர் ஞா. ஞானராஜ் வெளியிட்டுள்ள செய்திக்குறிப்பு: சாத்தான்குளம் வட்டத்துக்கு உள்பட்ட மீரான்குளம் 2 கிராமத்தில் , திருச்செந்தூர்  வருவாய் கோட்டாட்சியர் தலைமையில் மனுநீதிநாள் முகாம் நடத்தப்பட உள்ளது. இதற்கு முன்னோடியாக மனுக்கள் பெறும் முன்னோடி மனுநீதிநாள் முகாம்  புதன்கிழமை (ஜூலை 3 ) முற்பகல் 11 மணிக்கு மீரான்குளம் கிராம சமுதாய நலக்கூடத்தில் நடைபெறுகிறது. 
ஆதலால் கிராம மக்கள் தங்களது குறைகள் தொடர்பான மனுக்களை இம்முகாமில் கொடுத்து பயன்பெறலாம். பெறப்படும் மனுக்களுக்கு மனுநீதிநாளில் தீர்வு காண நடவடிக்கை எடுக்கப்படும்  என  தெரிவித்துள்ளார்.