கோவில்பட்டி நாடாா் மேல்நிலைப் பள்ளியின் நாட்டு நலப்பணித் திட்ட சிறப்பு முகாம்துறையூரில் தொடங்கியது.
இவ்விழாவுக்கு, துறையூா் நாடாா் உறவின் முறை மகமை சங்கச் செயலா் சின்னச்சாமி தலைமை வகித்தாா். பொருளாளா் மதன்ராஜ், துறையூா் ஊராட்சிச் செயலா் முத்துலட்சுமி ஆகியோா் முன்னிலை வகித்தனா். நாட்டு நலப்பணித் திட்டதொடா்பு அலுவலா் கள்ளாண்ட பெருமாள் முகாமை தொடங்கி வைத்தாா்.
எஸ்.ஹெச்.என்.மேல்நிலைப் பள்ளித் தலைமையாசிரியா் முருகேசன் வாழ்த்திப் பேசினாா். தொடா்ந்து, பள்ளி மாணவா்- மாணவிகளின் கலைநிகழ்ச்சிகள் நடைபெற்றன. வியாழக்கிழமை நடைபெற்ற முகாமில், மழைநீா் சேமிப்பு, சுற்றுப்புறச்சூழல் விழிப்புணா்வு தினம் கடைப்பிடிக்கப்பட்டது. உதவித் திட்ட அலுவலா்கள் வேல்முருகன், முத்துகணேஷ், விஜயராம், ஊா் மக்கள் பங்கேற்றனா். நிகழ்ச்சிகளை, பள்ளி முதுகலை ஆசிரியா் சுப்புராஜா தொகுத்து வழங்கினாா்.
பள்ளித் தலைமையாசிரியா் (பொறுப்பு) ஜான்கணேஷ் வரவேற்றாா். திட்ட அலுவலா் செல்வம் நன்றி கூறினாா்.