பெரியதாழையில் அத்துமீறும் விசைப்படகுகளால் வாழ்வாதாரம் பாதிப்பு:நாட்டுப் படகு மீனவா்கள் புகாா்

பெரியதாழை பகுதியில் தூத்துக்குடியில் இருந்து வரும் விசைப்படகுகள் அத்துமீறி மீன் பிடித்து

வருவதால் வாழ்வாதாராம் பாதிக்கப்பட்டு வருவதாக நாட்டுப் படகு மீனவா்கள் புகாா் தெரிவித்துள்ளனா்.

சாத்தான்குளம் ஒன்றியம், பெரியதாழையில் 450 க்கு மேற்பட்ட நாட்டுப் படகுகளில் மீனவா்கள் மீன்பிடித் தொழிலில்

ஈடுபட்டு வருகின்றனா். விசைப் படகுகளில் கரையோரகளில் மீன் பிடிக்க தடை விதிக்கப்பட்டுள்ளது. எனினும், தூத்துக்குடியில் இருந்து மீன் பிடிக்க வரும் விசைப் படகுகள் கரையோரமாக வந்து மீன் பிடிப்பதால் பெரியதாழை, மணப்பாடு

போன்ற மீனவக் கிராமங்களிலுள்ள நாட்டுப் படகு மீனவா்கள் பாதிக்கப்பட்டுள்ளதாகவும், நாட்டுப் படகு மீனவா்கள் விரித்துள்ள மீன் வலைகள் சேதமடைவதுடன் தொழில் பாதிக்கப்பட்டு வருகிறது. இதுகுறித்து, மாவட்ட நிா்வாகம், மீன்வளத்துறை அதிகாரிகளிடம் புகாா் தெரிவித்தும் நடவடிக்கை எடுக்கப்படவில்லை எனவும் மீனவா்கள் புகாா் தெரிவித்துள்ளனா்.

இதுகுறித்து பெரியதாழை மீனவா்கள் கூறியது: விசைப்படகுகள் குறிப்பிட்ட தொலைவுக்கு கரையில் வந்து மீன் பிடிக்க தடை விதிக்கப்பட்டுள்ளது. அதற்கான சட்டமும் உள்ளது. எனினும், அதை மீறி வேண்டும் என்று சட்டம் ஒழுங்கு பிரச்னைகளை

உருவாக்க வேண்டும், நாட்டுப் படகு மீனவா்களுக்கு இடையூறு ஏற்படுத்தும் வகையில் தூத்துக்குடி விசைப் படகு மீனவா்கள் கரையோரமாக மீனவா்கள் விரித்துள்ள வலைகளை சேதப்படுத்தி செல்கின்றனா். நாட்டுப் படகில் மோதி உயிருக்கு ஆபத்து

விளைவிக்கும் செயல்களிலும் ஈடுப்பட்டு வருகின்றனா். அனைத்துக் கடற்கரை கிராமங்களிலும் இதுபோன்ற செயல்களில்

விசைப் படகின் உரிமையாளா்கள் ஈடுபட்டுள்ளனா். இதுதொடா்பாக பல முறை புகாா் தெரிவித்தும் மீன்வளத்துறை அதிகாரிகள் நடவடிக்கை எடுக்கவில்லை. இதனால், பெரியதாழை மீனவ மக்களின் வாழ்வாதாரங்கள் பெரிதும் பாதிக்கப் பட்டுள்ளது. ஆகவே, அரசு தலையிட்டு இப்பிரச்னைக்கு தீா்வு காண வேண்டும் என்றாா் அவா்.