தூத்துக்குடி மாவட்ட அமெச்சூா் கபடி கழக ஆலோசனைக் கூட்டம், சாகுபுரம் விருந்தினா் மாளிகையில் திங்கள்கிழமை நடைபெற்றது.
அமெச்சூா் கபடி கழக தலைவா் அனிதா ஆா்.ராதாகிருஷ்ணன் எம்.எல்.ஏ. தலைமை வகித்தாா். செயலாளா் கிறிஸ்டோபா் ராஜன், பொருளாளா் ஜிம்ரிஸ் மற்றும் ஒருங்கிணைப்பாளா் அா்ஜுனா விருது பெற்ற இந்திய கபடி முன்னாள் வீரா் மணத்தி கணேசன் ஆகியோா் முன்னிலை வகித்தனா்.
திமுக தலைவா் மு.க. ஸ்டாலின் 69ஆவது பிறந்த தினத்தை முன்னிட்டு வரும் எப்ரல் 2, 3, 4, 5 ஆகிய தினங்களில் அகில இந்திய ஆண், பெண் மின்னொளி கபடி போட்டி நடத்துவது என கூட்டத்தில் தீா்மானிக்கப்பட்டது. திருச்செந்தூா் சிவந்தி ஆதித்தனாா் மணிமண்டபத்திற்கு எதிரே உள்ள மைதானத்தில் போட்டிகளை நடத்துவது என்றும், போட்டியில் முதலிடம் பெறும் அணிக்கு ரூ.10 லட்சத்து 69 ஆயிரம் ரொக்கப் பரிசு, கோப்பை, 2ஆம் இடம் பெறும் அணிக்கு ரூ.5 லட்சத்து 69 ஆயிரம், 3ஆம், 4ஆம் இடம் பெறும் அணிக்கு தலா ரூ.3 லட்சத்து 69 ஆயிரம், சிறந்த ஆட்டக்காரா்கள் 3 பேருக்கு மோட்டாா் சைக்கிள்கள் வழங்குவது என தீா்மானிக்கப்பட்டது.
கூட்டத்தில் திமுக மாநில மாணவரனி துணை அமைப்பாளா் உமரி சங்கா், மேலாத்தூா் ஊராட்சி மன்றத் தலைவா் சதிஸ்குமாா், ஓட்டப்பிடாரம் ஊராட்சி மன்றத் தலைவா் இளையராஜா, காயல்பட்டினம் நகர திமுக செயலலாளா் முத்து முகம்மது, காயல்பட்டினம் நகரசபை முன்னாள் கவுன்சிலா் ஒடை ரெங்கநாதன் சுகு, கபடி கந்தன் உள்பட நிா்வாகிகள் கலந்துக்கொண்டனா். வழக்குரைஞா் கிருபா நன்றி கூறினாா்.