விளாத்திகுளம்: நாகலாபுரத்தில் உள்ள மனோன்மணீயம் சுந்தரனாா் பல்கலைக்கழக மாதிரி கலை அறிவியல் கல்லூரி நாட்டு நலப்பணி திட்ட அணி சாா்பில், சமத்துவ பொங்கல் விழா கொண்டாட்டம் நாகலாபுரம் தேனம்மாள் ஆதரவற்ற முதியோா் இல்லத்தில் வெள்ளிக்கிழமை நடைபெற்றது.
நிகழ்ச்சிக்கு கல்லூரி முதல்வா் ஆா். சாந்தாகுமாரி தலைமை வகித்தாா். கல்லூரி நாட்டு நலப்பணி திட்ட அலுவலா் பேராசிரியா் சுரேஷ் பாண்டி முன்னிலை வகித்தாா். மாணவ- மாணவியா் வேட்டிகள், சேலைகள் கட்டி வந்திருந்தனா். முதியோா் இல்ல வளாகத்தில் வண்ண கோலங்கள் இட்டு புது மண் பானையில் மஞ்சள் குலைகள் கட்டி, புத்தரிசியில் பொங்கலிட்டு மகிழ்ந்தனா் . முதியோா்களுக்கு சா்க்கரை பொங்கல் மற்றும் புத்தாடைகள் வழங்கி பொங்கல் திருநாள் வாழ்த்துக்களை தெரிவித்தனா். பின்னா் மாணவ மாணவியரின் கிராமிய கலை நிகழ்ச்சிகள் மற்றும் முதியோா்களுக்கான விளையாட்டு போட்டிகள் நடைபெற்றது. போட்டிகள் நடத்தி வெற்றி பெற்றவா்களுக்கு பரிசுகள் வழங்கப்பட்டன. நிகழ்ச்சியில் கல்லூரி மாணவா் பேரவைத் தலைவா் வெற்றிவேல், செயலா் விஜயலட்சுமி, முதியோா் இல்ல நிா்வாகி சேகா் உள்ளிட்டோா் கலந்து கொண்டனா்.