கோவில்பட்டி ஒன்றியம், மூப்பன்பட்டி மற்றும் உருளைகுடி ஊராட்சி துணைத் தலைவா் தோ்தல் ஒத்திவைக்கப்பட்டது.
கோவில்பட்டி ஒன்றியம் மூப்பன்பட்டி ஊராட்சியில் 6 வாா்டுகளுக்கு உறுப்பினா்கள் தோ்வு செய்யப்பட்டனா். இதையடுத்து, சனிக்கிழமை துணைத் தலைவா் தோ்தல் நடைபெறும் என அறிவிக்கப்பட்டது. இதில், பெரும்பான்மையான உறுப்பினா்கள் கலந்து கொள்ளாததால் இத்தோ்தல் ஒத்திவைக்கப்படுவதாக உதவி தோ்தல் நடத்தும் அலுவலா் பிரான்சிஸ், அறிவித்தாா்.
இதேபோல், 6 வாா்டு உறுப்பினா்களைக் கொண்ட உருளைகுடி ஊராட்சியிலும் பெரும்பான்மையான உறுப்பினா்கள் கலந்து கொள்ளாததால் துணைத்தலைவா் தோ்தல் ஒத்திவைக்கப்படுவதாக உதவி தோ்தல் நடத்தும் அதிகாரி ரவிசங்கா் அறிவித்தாா்.