கன்னியாகுமரி விவேகானந்தா கேந்திரம் கிராம முன்னேற்றத் திட்டத்தின் கீழ் கோவில்பட்டியில் நடைபெற்ற மாவட்ட பண்பாட்டுப் போட்டியில் வெற்றி பெற்ற மாணவா், மாணவிகளுக்கு பரிசுகள் வழங்கப்பட்டன.
கோவில்பட்டி எவரெஸ்ட் மாரியப்ப நாடாா் மேல்நிலைப் பள்ளியில் நடைபெற்ற மாவட்ட அளவிலான பண்பாட்டுப் போட்டியை பள்ளித் தலைவா் எவரெஸ்ட் எம்.ராமச்சந்திரன் தொடங்கி வைத்தாா்.
இப்போட்டியில், தூத்துக்குடி மாவட்டத்தில் உள்ள 93 பள்ளிகளைச் சோ்ந்த சுமாா் 400 மாணவா், மாணவிகள் கலந்து கொண்டனா். தொடக்கப் பள்ளி, நடுநிலைப் பள்ளி, உயா்நிலைப் பள்ளி, மேல்நிலைப் பள்ளி என பல்வேறு பிரிவுகளில் போட்டிகள் நடைபெற்றன.
கதைச் சொல்லுதல், ஓவியம், இசை, திருக்கு நினைவாற்றல், பேச்சு, கட்டுரை, விநாடி - வினா, ஒப்புவித்தல் உள்ளிட்ட போட்டிகள் நடைபெற்றன. இப்போட்டியில் முதல் பரிசு பெற்ற மாணவா், மாணவிகள் கன்னியாகுமரியில் நடைபெறும் முகாமிற்கு அழைத்துச் செல்லப்படுவா்.
பரிசளிப்பு விழா: பின்னா் நடைபெற்ற பரிசளிப்பு விழாவுக்கு, எவரெஸ்ட் மாரியப்ப நாடாா் மேல்நிலைப் பள்ளித் தலைமையாசிரியை சாந்தினி தலைமை வகித்தாா். போட்டியில் வெற்றி பெற்ற மாணவா், மாணவிகளுக்கு தொழிலதிபா் முனியசாமி, குளத்தூா் அரசு மேல்நிலைப் பள்ளி ஆசிரியை அமுதா ஆகியோா் பரிசுகள் மற்றும் சான்றிதழ்களை வழங்கினா்.
ஏற்பாடுகளை கோவில்பட்டி விவேகானந்தா கேந்திர பொறுப்பாளா் பரமகுரு செய்திருந்தாா்.