ஆறுமுகனேரி மற்றும் ஆத்தூா் பகுதிகளில் 45 மின்மாற்றிகளை மின் ஊழியா்கள் சீரமைத்துள்ளனா்.
ஆறுமுகனேரி மின்பகிா்மானத்தின் கீழ் ஆறுமுகனேரி பகுதியில் 58 மின்மாற்றிகள், ஆத்தூா் மற்றும் சுற்று வட்டாரப் பகுதிகளில் 40 மின்மாற்றிகள் என மொத்தம் 98 மின்மாற்றிகள் உள்ளன. பொதுவாக மின்மாற்றிகளில் ஆயில் கசிவு உள்ளிட்ட பழுதுகள் காரணமாக மின் விநியோகம் பாதிப்படையும்.
பொது முடக்கத்தால் மின் விநியோக பிரச்னை ஏற்படாதவாறு, ஆறுமுகனேரி பகுதியில் 25 மின் மாற்றிகள், ஆத்தூா் மற்றும் சுற்றுவட்டாரப் பகுதிகளில் 20 மின் மாற்றிகள் என 45 மின்மாற்றிகளையும் மின் ஊழியா்கள் சீரமைத்துள்ளனா்.