மகாராஷ்டிர மாநிலத்தில் இருந்து தூத்துக்குடி மாவட்டம் திரும்பிய 5 பேருக்கு சனிக்கிழமை கரோனா தொற்று உறுதி செய்யப்பட்டது. இதனால், மாவட்டத்தில் கரோனா பாதிப்பு 149-ஆக உயா்ந்துள்ளது. இதற்கிடையே, தூத்துக்குடி அரசு மருத்துவமனையில் சிகிச்சை பெற்ற 4 போ் குணமடைந்து சனிக்கிழமை வீடு திரும்பினா்.
தூத்துக்குடி மாவட்டத்தில் வெள்ளிக்கிழமை மாலை வரை 144 பேருக்கு கரோனா தொற்று இருப்பது உறுதி செய்யப்பட்டது. இந்நிலையில், மகாராஷ்டிர மாநிலத்தில் இருந்து திரும்பிய கயத்தாறு மற்றும் புதூா் வட்டங்களைச் சோ்ந்த 7 வயது சிறுவன் உள்ளிட்ட 5 பேருக்கு கரோனா தொற்று இருப்பது சனிக்கிழமை உறுதி செய்யப்பட்டது. அவா்கள் தூத்துக்குடி அரசு மருத்துவமனையில் சிகிச்சை பெற்று வருகின்றனா். இதன்மூலம் மாவட்டத்தில் பாதிக்கப்பட்டோரின் எண்ணிக்கை 149-ஆக உயா்ந்துள்ளது.
4 போ் வீடு திரும்பினா்: இதற்கிடையே, தூத்துக்குடி அரசு மருத்துவமனை கரோனா வாா்டில் சிகிச்சை பெற்று வந்தவா்களில் கோவில்பட்டி பகுதியைச் சோ்ந்த 4 போ் குணமடைந்ததைத் தொடா்ந்து, அவா்கள் சனிக்கிழமை வீட்டுக்கு அனுப்பி வைக்கப்ட்டனா். அவா்களுக்கு, மருத்துவமனை உறைவிட மருத்துவ அலுவலா் சைலஸ் ஜெபமணி தலைமையிலான மருத்துவக் குழுவினா் பழங்கள் கொடுத்து வழியனுப்பி வைத்தனா். 4 பேரும் தொடா்ந்து 14 நாள்களுக்கு தங்களை வீடுகளில் தனிமைப்படுத்திக் கொள்ள வேண்டும் என மருத்துவா்கள் அறிவுரை வழங்கினா்.
சிகிச்சையில் 107 போ்: மாவட்டத்தில் கரோனா தொற்று காரணமாக 2 போ் உயிரிழந்துள்ளனா். 40 போ் சிகிச்சை முடிந்து வீடு திரும்பி உள்ளனா். தற்போது, தூத்துக்குடி அரசு மருத்துவக் கல்லூரி மருத்துவமனையில் 107 போ் சிகிச்சை பெற்று வருகின்றனா் என மருத்துவமனை நிா்வாகம் தெரிவித்துள்ளது.