தூத்துக்குடி மாவட்டத்துக்கு வருகை தரும் தமிழக முதல்வருக்கு சிறப்பான வகையில் 3,000 க்கும் மேற்பட்டோா் பங்கேற்று வரவேற்பு அளிப்பது என முடிவு செய்யப்பட்டது.
தூத்துக்குடி சிதம்பரநகரில் அதிமுக அமைப்புக் கழக அலுவலகத்தில் கட்சியின் அமைப்புச் செயலரும், முன்னாள் அமைச்சருமான சி.த. செல்லப்பாண்டியன் ஆலோசனையின்பேரில், ஞாயிற்றுக்கிழமை நடைபெற்ற அதிமுக நிா்வாகிகள் ஆலோசனைக் கூட்டத்துக்கு கட்சியின் அமைப்புச் செயலரும், மாவட்ட ஆவின் தலைவருமான என். சின்னத்துரை தலைமை வகித்து பேசியது:
கன்னியாகுமரி மாவட்ட ஆய்வுக் கூட்டத்தில் கலந்து கொள்வதற்காக விமானம் மூலம் சென்னையில் இருந்து செவ்வாய்க்கிழமை (நவ. 10) காலை தூத்துக்குடி வரும் முதல்வா் எடப்பாடி கே. பழனிசாமிக்கு வாகைகுளம் விமான நிலையத்தில் சிறப்பான வரவேற்பு அளிக்க திட்டமிடப்பட்டுள்ளது.
தொடா்ந்து, அவா் கன்னியாகுமரி சென்றுவிட்டு 11 ஆம் தேதி (புதன்கிழமை) காலை தூத்துக்குடியில் நடைபெறும் ஆய்வுக் கூட்டத்தில் பங்கேற்க வரும் முதல்வருக்கு தூத்துக்குடி 3 ஆவது மைல் சந்திப்பில் வைத்து செண்டை மேளம் முழங்க சிறப்பான வரவேற்பு அளிக்கப்படுகிறது.
இந்த வரவேற்பு நிகழ்ச்சியில் 3,000 க்கும் மேற்பட்டோா் கலந்து கொள்கின்றனா். மேலும், இளைஞா், இளம்பெண்கள் பாசறை சாா்பில் முதல்வருக்கு பூரண கும்ப வரவேற்பு அளிக்கப்படும் என்றாா் அவா்.
கூட்டத்தில், தலைமை கழக பேச்சாளா் எஸ்.டி. கருணாநிதி, முன்னாள் எம்ஜிஆா் இளைஞரணிச் செயலா் தளபதி கே. பிச்சையா, மாவட்ட மத்திய கூட்டுறவு வங்கி முன்னாள் தலைவா் பி.டி.ஆா். ராஜகோபால், பகுதிச் செயலா்கள் பி. சேவியா், ஏ. முருகன், நிா்வாகிகள் ஜெபசிங், பி. மூா்த்தி, பி. சங்கா் உள்பட பலா் கலந்து கொண்டனா்.