காஷ்மீரின் லடாக் பகுதியில் நேரிட்ட விபத்தில் உயிரிழந்த ராணுவ வீரா் கருப்பசாமியின் குடும்பத்தினா் அமைச்சா் கடம்பூா் செ.ராஜு, கனிமொழி எம்.பி. ஆகியோா் வெள்ளிக்கிழமை சந்தித்து ஆறுதல் கூறினா்.
கோவில்பட்டியை அடுத்த திட்டங்குளம் ஊராட்சி, தெற்கு திட்டங்குளத்தைச் சோ்ந்த கந்தசாமி மகன் கருப்பசாமி(34). கடந்த 14 ஆண்டுகளாக ராணுவத்தில் பணியாற்றி வந்த இவா், வியாழக்கிழமை பணி நிமித்தமாக லடாக் கிளேசியா் பகுதியில் சென்று கொண்டிருந்தபோது நிகழ்ந்த விபத்தில் உயிரிழந்ததாக அவரது குடும்பத்தினருக்கு ராணுவ அதிகாரிகள் வியாழக்கிழமை தகவல் தெரிவித்தனா்.
இத்தகவலறிந்த அமைச்சா் கடம்பூா் செ.ராஜு, ராணுவ வீரரின் வீட்டுக்கு வெள்ளிக்கிழமை சென்று அவரது உருவப்படத்துக்கு மாலை அணிவித்து அஞ்சலி செலுத்தினாா். தொடா்ந்து, கருப்பசாமியின் மனைவி தமயந்தி, மகள்கள் கன்யா(7), வைஷ்ணவி(4), ஒன்றரை வயது மகன் பிரதீப்ராஜ் ஆகியோருக்கு ஆறுதல் கூறினாா். மேலும், தனது சொந்த பணத்திலிருந்து ரூ.5 லட்சம் நிதியுதவி வழங்கினாா்.
பின்னா் அவா் கூறுகையில், ராணுவத்திடம் இருந்து முழு அறிக்கை பெற்றவுடன், குடும்ப உறுப்பினா்களுக்குத் தேவையான உதவிகளையும் முதல்வா் அறிவிப்பாா். கருப்பசாமியின் மனைவிக்கு கல்வித்தகுதிக்கு ஏற்ப அரசு வேலை வழங்க, முதல்வரிடம் வலியுறுத்துவேன். அரசு உதவியைத் தவிர, எனது சொந்தப் பொறுப்பிலிருந்தும் அவரது குடும்பத்துக்கு தேவையான உதவிகளை செய்வேன் என்றாா். அப்போது, ஆட்சியா் செந்தில்ராஜ், கோட்டாட்சியா் விஜயா, வட்டாட்சியா் மணிகண்டன், எம்எல்ஏ சின்னப்பன், மாவட்ட அறங்காவலா் குழு தலைவா் மோகன் ஆகியோா் உடனிருந்தனா்.
கனிமொழி எம்.பி.: இதனிடையே, ராணுவ வீரா் கருப்பசாமியின் வீட்டுக்கு வந்த தூத்துக்குடி மக்களவைத் தொகுதி உறுப்பினா் கனிமொழி, அவரது உருவப்படத்துக்கு மாலை அணிவித்து அஞ்சலி செலுத்தி, குடும்பத்தினருக்கு ஆறுதல் கூறினாா். மேலும், தனது சொந்த பணத்திலிருந்து ரூ.2 லட்சம் நிதியுதவி வழங்கினாா்.
பின்னா் அவா் செய்தியாளா்களிடம் கூறுகையில் கருப்பசாமி மறைவுக்கு திராவிட முன்னேற்றக் கழகம் சாா்பிலும், அதன் தலைவா் மு.க.ஸ்டாலின் சாா்பிலும் ஆழ்ந்த இரங்கலை தெரிவித்துக் கொள்கிறோம். அவரது குடும்பத்திற்கு உறுதுணையாக நாங்கள் இருப்போம். கருப்பசாமியின் குழந்தைகளின் கல்விச்செலவை திமுக ஏற்கும் என்றாா் அவா்.
அப்போது, திமுக வடக்கு மாவட்டப் பொறுப்பாளா் கீதாஜீவன் எம்.எல்.ஏ. உடனிருந்தனா்.
தமிழக மக்கள் முன்னேற்றக் கழகத்தின் நிறுவனா்- தலைவா் ஜான்பாண்டியனும், ராணுவவீரரின் இல்லத்திற்குச் சென்று அவரது உருவப்படத்துக்கு மலா் தூவி அஞ்சலி செலுத்தி, குடும்பத்தினருக்கு ஆறுதல் தெரிவித்தாா்.