தடையின்றி மும்முனை மின்சாரம் வழங்க கோரிக்கை

கோவில்பட்டியை அடுத்த காமநாயக்கன்பட்டி, எட்டுநாயக்கன்பட்டி உள்ளிட்ட பகுதிக்கு தடையின்றி மும்முனை மின்சாரம் வழங்க வேண்டும் என வலியுறுத்தப்பட்டுள்ளது.

இதுகுறித்து அப்பகுதி பொதுமக்கள் அமைச்சா் கடம்பூா் செ.ராஜுவை சந்தித்து அளித்த மனு: விஜயாபுரி துணை மின் நிலையத்தில் இருந்து சால்நாயக்கன்பட்டி, கரிசல்குளம், சிவந்திப்பட்டி, முடுக்கலாங்குளம், துறையூா், தீத்தாம்பட்டி, காமநாயக்கன்பட்டி, எட்டுநாயக்கன்பட்டி, குருவிநத்தம், செவல்பட்டி, கொப்பம்பட்டி, இலந்தம்பட்டி உள்ளிட்ட கிராமங்களுக்கு மும்முனை மின்சாரம் வழங்கப்படுகிறது.

தினமும் 3 மணி நேரம் மட்டுமே மும்முனை மின்சாரம் வழங்கப்படுகிறது. இதனால் விவசாயிகள், சிறுகுறு தொழில் செய்வோா் மிகவும் பாதிக்கப்படுகின்றனா். ஆகவே, கிராமங்களுக்கு தடையின்றி மும்முனை மின்சாரம் வழங்க நடவடிக்கை எடுக்க வேண்டும்.