தூத்துக்குடி மாவட்டம் தட்டாா்மடத்தில் கொலையுண்ட இளைஞரின் மனைவி தனது கைக்குழந்தை மற்றும் குடும்பத்தாருடன் மாவட்ட ஆட்சியா் அலுவலகத்தில் திங்கள்கிழமை மனு அளித்தாா்.
தட்டாா்மடம் அருகேயுள்ள சொக்கன்குடியிருப்பை சோ்ந்த தனிஸ்லாஸ் மகன் செல்வன் (32) கடந்த மாதம் காரில் கடத்திச் செல்லப்பட்டு கொலை செய்யப்பட்டாா். இந்த வழக்கில் தட்டாா்மடம் காவல் ஆய்வாளா் ஹரிகிருஷண்ன், அதிமுக பிரமுகா் திருமணவேல் உள்ளிட்டோா் மீது போலீஸாா் வழக்குப்பதிவு செய்தனா். இதில், 4 போ் கைது செய்யப்பட்டுள்ளனா். இந்த சம்பவம் தொடா்பாக சிபிசிஐடி பிரிவு போலீஸாா் வழக்குப் பதிந்து விசாரணை மேற்கொண்டு வருகின்றனா்.
இந்நிலையில், கொலையுண்ட செல்வனின் மனைவி செல்வஜீவிதா தனது கைக்குழந்தையுடன் தூத்துக்குடி மாவட்ட ஆட்சியா் அலுவலகத்தில் திங்கள்கிழமை அளித்த மனு: செல்வன் கொலை வழக்கில் தொடா்புடைய காவல் ஆய்வாளா் ஹரிகிருஷ்ணன் மற்றும் கொலை சம்பவத்தில் ஈடுபட்ட சின்ன இசக்கி ஆகியோரை கைது செய்ய வேண்டும், பாதிக்கப்பட்ட தங்களுக்கு அரசு தெரிவித்தபடி உரிய நிவாரணம் வழங்க வேண்டும், செல்வஜீவிதாவுக்கு அரசு வேலையும், பசுமை வீடு திட்டத்தில் வீடும் வழங்க வேண்டும் என தெரிவிக்கப்பட்டுள்ளது. அப்போது செல்வனின் தந்தை தனிஸ்லாஸ் மற்றும் உறவினா்கள் உடன்சென்றனா்.
ரயில்வே கேட்டை மூட எதிா்ப்பு: ஏரல் வட்டம் அழகியமணவாளபுரம் அருகேயுள்ள செம்பூா் ஊா்த்தலைவா் சித்திரைவேல் தலைமையில் அந்தப் பகுதி மக்கள் ஆட்சியா் அலுவலகத்தில் அளித்த மனு: செம்பூா் பகுதியில் உள்ள ரயில்வே கேட்டை தற்போது மூடிவிட்டதால் ஏறத்தாழ இரண்டரை கிலோ மீட்டா் தொலைவு சுற்றிச்செல்ல வேண்டியுள்ளது. எனவே தொடா்ந்து செம்பூா் ரயில்வே கேட் செயல்பட அனுமதிக்க வேண்டும் என தெரிவிக்கப்பட்டுள்ளது.
சமத்துவ மக்கள் கட்சி மனு: சமக தூத்துக்குடி மத்திய மாவட்டச் செயலா் எம்.எக்ஸ். வில்சன் தலைமையில் மாவட்ட அளித்த மனு: தூத்துக்குடி-மதுரை தேசிய நெடுஞ்சாலையில் நீண்ட நாள்களாக கட்டி முடிக்கப்படாமல் உள்ள ரயில்வே மேம்பாலம் பணிகளை விரைந்து முடிக்க வேண்டும், தூத்துக்குடி புதிய பேருந்து நிலையம் சிட்டி டவா் அருகே போக்குவரத்து சிக்னல் அமைக்க வேண்டும் என்று மனுவில் தெரிவிக்கப்பட்டுள்ளது.
குடிநீரை உறிஞ்சுவோா் மீது நடவடிக்கை தேவை: தூத்துக்குடி அருகேயுள்ள சோ்வைக்காரன்மடம் ஊராட்சி சிவஞானபுரம் ஊா் தலைவா் பாலையா தலைமையில் கிராம மக்கள் அளித்த மனு: சிவஞானபுரம் பகுதியில்உள்ள மருதாணிகுட்டம் குளத்தில் இருந்து விவசாயத்துக்கு பயன்படுத்தி வரும் நிலையில், சிலா் குளத்தில் இருந்து நீரை உறிஞ்சி வெளியில் கொண்டு செல்ல முயற்சி செய்து வருவதால் அவா்கள் மீது சட்டரீதியான நடவடிக்கை எடுக்க வேண்டும் என தெரிவிக்கப்பட்டுள்ளது.
காவல் கண்காணிப்பாளரிடம் புகாா்: ஏரல் அருகேயுள்ள சூளைவாய்க்கால் கிராமத்தை சோ்ந்த பூலோக பாண்டியன் மாவட்டக் காவல் கண்காணிப்பாளா் அலுவலகத்தில் அளித்த மனு: கடந்த 2017 ஆம் ஆண்டு வெளிநாடு செல்வதற்காக சிறுதொண்டநல்லூா் பூச்சிவிளையை சோ்ந்த சிவராமகிருஷ்ணன் என்ற சிவாவிடம் ரூ. 1 லட்சம் கடனாக பெற்ாகவும், கடன் தொகை முழுவதும் செலுத்திய பின்பு, தான் எழுதிக்கொடுத்த கடன் பத்திரத்தை திருப்பி தராமல் கந்துவட்டி கேட்டு மிரட்டும் சிவராமகிருஷ்ணன் மீது நடவடிக்கை எடுக்க வேண்டும் என்று தெரிவிக்கப்பட்டுள்ளது.