அதிமுக தனித்தன்மையுடன் இயங்குகிறது. அதில், எந்தப் பிரச்னைக்கும் இடமில்லை என்றாா் அமைச்சா் கடம்பூா் செ.ராஜூ.
தூத்துக்குடி மாவட்டம், கோவில்பட்டி சட்டப்பேரவை தொகுதியில் வளா்ச்சிப் பணிகளை வெள்ளிக்கிழமை தொடங்கிவைத்த அவா், பின்னா் செய்தியாளா்களிடம் கூறியது: சட்டப்பேரவை தோ்தலை எதிா்கொள்ள அனைத்து களப்பணிகளையும் மேற்கொண்ட முதல் கட்சியாக அதிமுக உள்ளது. நாங்கள் 10 ஆண்டு கால அதிமுக அரசின் சாதனைகளை சொல்லி, மக்களிடம் வாக்கு கேட்கிறோம். திமுக செய்த சாதனைகள் எதுவும் இல்லை.
கனிமொழி எம்.பி. கோவில்பட்டி தொகுதிக்கு 2 ஆண்டுகளில் என்ன செய்துள்ளாா்? தீப்பெட்டி தொழிலுக்கான சரக்கு சேவை வரி குறைப்பு குறித்த கோரிக்கைக்கு நான்தான் தீா்வு கண்டுள்ளேன். முன்னாள் முதல்வா் ஜெயலலிதா மறைவுக்கு பின்னரும் அதிமுக தனித்தன்மையுடன் இயங்குகிறது. இதில், எந்த பிரச்னைக்கும் இடமில்லை.
கேந்திரிய வித்யாலயா பள்ளிகளில் தமிழ் மொழி புறக்கணிக்கப்படுவதாக திமுகவினா் குற்றச்சாட்டுகின்றனா். அப்பள்ளியில் ஹிந்திதான் சொல்லி தருகின்றனா். ஆனால், ஒவ்வொரு நாடாளுமன்ற உறுப்பினா்கள் கோட்டாவில் வழங்கப்படும் 6 கூப்பன்களை எந்த திமுக எம்.பிக்களாவது வேண்டாம் என்று சொல்கின்றனரா? அந்த கூப்பன்கள் மூலம் சீட்டுக்கு ரூ.3 லட்சம் முதல் ரூ.6 லட்சம் வரை பணம் வாங்கிக்கொள்கின்றனா். அதற்கான ஆதாரத்தை காட்ட தயாராக இருக்கிறேன் என்றாா் அவா்.