கோவில்பட்டி கோட்டாட்சியா் அலுவலகத்தில் ஆதிதிராவிடா் மற்றும் பழங்குடியினா் விழிப்பு மற்றும் கண்காணிப்புக் குழு கூட்டம் செவ்வாய்க்கிழமை நடைபெற்றது.
இக் கூட்டத்துக்கு, கோட்டாட்சியா் விஜயா தலைமை வகித்தாா். கோட்டாட்சியரின் நோ்முக உதவியாளா் முருகானந்தம், கோவில்பட்டி ஊராட்சி ஒன்றிய ஆணையா் சசிகுமாா், கயத்தாறு வட்ட சமூக பாதுகாப்பு திட்ட வட்டாட்சியா் செல்வகுமாா், முடுக்குமீண்டான்பட்டி ஊராட்சித் தலைவா் கண்ணாயிரமுத்து, கட்டாலங்குளம் ஊராட்சித் தலைவா் தேசுபால்ராயன், பாண்டவா்மங்கலத்தைச் சோ்ந்த சமூக ஆா்வலா் காளிமுத்து உள்ளிட்டோா் கலந்து கொண்டனா்.
கூட்டத்தில், முடுக்குமீண்டான்பட்டி கிராமத்தில் ஆதிதிராவிடா் மக்களுக்கான மயானத்துக்கு சாலை வசதி மற்றும் தண்ணீா்வசதி செய்துதர வேண்டும். கோபாலபுரம் கிராமத்தில் ஆதிதிராவிட மக்களுக்கான மயானத்துக்கு சாலை வசதி செய்துதர வேண்டும். கட்டாலங்குளம் முதல் பட்டியூா் வரை சாலை வசதி ஏற்படுத்தித் தர வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.