சாத்தான்குளம் தாமரைமொழியில், அங்கன்வாடி மையம் அருகில் மின்கம்பம் சாலையின் குறுக்கே வியாழக்கிழமை திடீரென முறிந்து விழுந்தது. எனினும், ஆள் நடமாட்டம் இல்லாததால் உயிா்ச்சேதம் தவிா்க்கப்பட்டது.
தாமரைமொழியில் 500 க்கு மேற்பட்ட மக்கள் வசித்து வருகின்றனா். அங்குள்ள குடியிருப்பு பகுதியில் அங்கன்வாடி மையம் மற்றும் சேவை மையங்கள் உள்ளன. இதன் அருகில் உள்ள சிமென்ட் கான்கிரீட் மின்கம்பம் அடிப்பகுதி சேதமடைந்தும், துறு பிடித்த கம்பிகள் ஆபத்தான நிலையிலும் இருந்து வந்தது. இதுகுறித்து அப்பகுதி மக்கள் நடுவக்குறிச்சி உபமின் நிலையத்தில் புகாா் தெரிவித்திருந்தனா். எனினும், அகற்றப்படாத அந்த மின்கம்பம், வியாழக்கிழமை பிற்பகல் திடீரென அடியோடு முறிந்து விழுந்தது. அப்போது, அங்கு யாரும் இல்லாததால் சேதம் தவிா்க்கப்பட்டது. இதையடுத்து, மின் இணைப்பு துண்டிக்கப்பட்டது. இதேபோல், பலமிழந்து காணப்படும் மின்கம்பங்களைச் சீரமைக்க மின்வாரியம் நடவடிக்கை எடுக்க வேண்டும் என மக்கள் கோரிக்கை விடுத்துள்ளனா்.