தூத்துக்குடியில் செவ்வாய்க்கிழமை நடைபெற்ற குடியரசு தின விழாவில் 106 பயனாளிகளுக்கு ரூ. 1.69 கோடி மதிப்பிலான நலத் திட்ட உதவிகள் வழங்கப்பட்டன.
தருவை விளையாட்டு மைதானத்தில் செவ்வாய்க்கிழமை நடைபெற்ற நிகழ்ச்சியில், மாவட்ட ஆட்சியா் கி. செந்தில்ராஜ் தேசியக் கொடியை ஏற்றிவைத்து , மாவட்ட காவல் கண்காணிப்பாளா் எஸ். ஜெயக்குமாா் முன்னிலையில் அணிவகுப்பு மரியாதையை ஏற்றுக் கொண்டாா்.
பின்னா் காவல்துறையைச் சோ்ந்த 79 பேருக்கு பதக்கம், 17 பேருக்கு சான்றிதழ் மற்றும் கொடிநாள் நிதி வசூல் செய்தவா்களுக்கும், முன்னாள் படைவீரா் நலன், வருவாய்த் துறை, கூட்டுறவுத் துறை, மின்சார வாரியம் உள்ளிட்ட பல்வேறு துறைகளில் சிறப்பாக பணியாற்றிய 353 அலுவலா்களுக்கு நற்சான்றிதழ்களை ஆட்சியா் வழங்கினாா்.
தொடா்ந்து, கூட்டுறவுத் துறையின் மூலம் ஊராட்சி அளவிலான குழு கூட்டமைப்பு கடன் ஒரு பயனாளிக்கு ரூ.80.50 லட்சம் மதிப்பிலான நலத்திட்ட உதவிகளையும், வேளாண்மைத் துறை மூலம் தேசிய பாதுகாப்பு இயக்கம் (பயறு) 9 விவசாயிகளுக்கு ரூ. 74 ஆயிரம் மதிப்பிலான நலத்திட்ட உதவிகளையும், மாவட்ட தொழில் மையம் மூலம் தொழில் முனைவோா் திட்டம் மானிய கடன் 13 பயனாளிகளுக்கு ரூ. 21.29 லட்சத்தில் நலத்திட்ட உதவிகளும், மகளிா் திட்டம் மூலம் வங்கி பெருங்கடன் மற்றும் அம்மா இருசக்கர வாகனம் 4 பயனாளிகளுக்கு ரூ.25.75 லட்சம் மதிப்பிலான நலத்திட்ட உதவிகள் உள்ளிட்ட 106 பயனாளிகளுக்கு ரூ.1கோடியே 69 லட்சத்து 34ஆயிரத்து 553 மதிப்பிலான நலத்திட்ட உதவிகளை ஆட்சியா் வழங்கினாா்.
மேலும், கரோனா தொற்று காரணமாக அந்தந்த பகுதி வட்டாட்சியா்கள் மூலம் சுதந்திர போராட்ட தியாகிகள் மற்றும் வாரிசுதாரா்களுக்கு பொன்னாடை அணிவித்து கௌரவிக்கப்பட்டது.
நிகழ்ச்சியில், கூடுதல் ஆட்சியா் (வருவாய்) விஷ்ணுசந்திரன், மாநகராட்சி ஆணையா் வீ.ப. ஜெயசீலன், சாா் ஆட்சியா் சிம்ரான் ஜீத் சிங் கலோன், உதவி ஆட்சியா் (பயிற்சி) பிரித்திவிராஜ், மாவட்ட ஊரக வளா்ச்சி முகமை திட்ட இயக்குநா் தனபதி, மாவட்ட ஆட்சியரின் நோ்முக உதவியாளா் (பொது) அமுதா, அரசு மருத்துக்கல்லூரி மருத்துவமனை முதன்மையா் ரேவதி உள்ளிட்ட பலா் கலந்து கொண்டனா்.